Jyl basynda Qazaqstanda asa tanymal Hyundai Accent avtokóligi 7,5 mln teńgeden 8,2 mln teńgege, iaǵni 9,3%-ǵa kóterilgen. Al Hyundai Tucson kóligi 7%-ǵa joǵarlaǵan. Sol siiaqty jańa Hyundai Elantra avtokóliginiń tolyq komplektatsiialy nusqalary 13,5 mln teńgege deiin qymbattapty. Qazaqstanda jaqsy satylatyn Hyundai Sonata kólikteri 1,4 mln teńgege baǵasy kóterip alǵany belgili boldy.
Qalyń qazaq nesiege alyp, taksishylyqpen ainalysýǵa paidalanatyn Chevrolet markasynyń Cobalt jáne Nexia modelderi de 1 mln men 900 myń teńge aralǵynda qymbattaǵan. Aitalyq, sý jańa Cobalt-ge 6,5 men teńge surasa, qazir onyń baǵasy 7 mln teńgeden asyp ketti. Nexia avtokólikteriniń 6,2 mln teńgeden 6,7 mln teńgege deiin qymbattaǵan.
Sol siiaqty Kia markasymen shyǵatyn avtokólikterdiń barlyq modelderiniń baǵasy kóterilgen. Elimizde tanymal Rio sedandar 10,2 mln teńgege deiin qymbattasa, Kia Sorento krossoveri 22,6 mln teńgege deiin joǵarlapty.
Reseidiń «Avtovaz» kompaniiasynyń Qostanaidaǵy zaýytynan shyǵatyn kólikterdiń de baǵasy kóterilgen. Jyl basynda sý jańa Lada Granta avtokóligin 3,7 mln teńgege alyp kelsek, endi ol úshin 4,7 mln teńge tóleýge týra keledi.
Japondyq sý jańa Toyota avtokólikteriniń baǵasy tipti aspandap ketken. Máselen, Toyota Land Cruiser, GR Sport i LC Prado jol talǵamaityn kólikterdiń baǵasy 13,4%-20,8%-ǵa deiin kóterilip, 6,8-7,5 mln teńgege qymbattaǵan.
Ár qazaqtyń armanyna ainalǵan Toyota Camry avtokóliginiń 2 literlik standart komplektatsiiasynyń baǵasy 17,1 mln teńgeden satylýda. Onyń baǵasy 17.9%-ǵa joǵarlaǵan.
Kúni keshe ǵana Úkimet el azamattarynyń avtokólik alý úshin 4%-ben jeńildetligen avtokredit beretinin jariia etti. Óz kezeginde bul da avtokóliktiń taǵy qymbattaýyna ákep soǵýy múmkin.
