مەرەكە الدىمەن «بۇلاق كٶرسەڭ, كٶزٸن اش» دەگەن تەمسٸلمەن قالا سىرتىنداعى بۇلاقتىڭ كٶزٸن اشۋدان باستالدى. «جاستار» سپورت سارايىنىڭ اۋماعىندا قاز قاتار تٸگٸلگەن اق شاڭقان كيٸز ٷيلەر «ناۋرىز اۋىلىن» قۇراپ, ٷيلەردٸڭ الدىندا قازاق حالقىنىڭ سالت-دەستٷرلەرٸنەن كٶرٸنٸستەر قويىلىپ, ەن مەن جىردان شاشۋ شاشىلدى, اق تٸلەكتەر ايتىلىپ, باتا بەرٸلدٸ. قولٶنەر بۇيىمدارىنان, كٶركەمسۋرەتتەن كٶرمەلەر قويىلىپ, قازاقشا كٷرەس, كٸر تاسىن كٶتەرۋ, ارقان تارتىس, اسىق سيياقتى ۇلتتىق ويىندار وينالدى. ەتنومەدەني ورتالىقتاردىڭ دا كٶرمەسٸ, ۇلتتىق تاعامدارى ۇسىنىلىپ, شاعىن كونتسەرتتەرٸ قويىلدى. تسيرك ٶنەرپازدارى سان قيلى ٶنەرلەرٸن پاش ەتتٸ.
وبلىس باسشىسى اقساقالدارمەن, «جاسىل ەل» جاساعىنىڭ مٷشەلەرٸمەن بٸرگە ساياباق ٸشٸنە اعاش ەكتٸ.
ساياباق ساحناسىندا ب. ريموۆا اتىنداعى دراما تەاترىنىڭ, وبلىستىق سٷيٸنباي اتىنداعى فيلارمونييانىڭ جەنە باسقا دا ٶنەر ۇجىمدارىنىڭ قاتىسۋىمەن «كٷلٸمدە, ناۋرىز, كٷلٸمدە!» اتتى مۋزىكالىق-حورەوگرافييالىق كٶرٸنٸس قويىلدى. وندا تابيعاتتىڭ ويانۋى سۋرەتتەلٸپ, ەزٸل ەندەر, ناۋرىز جىرى, ناۋرىز باتاسى ايتىلدى.
سالتاناتتى مەرەكەدە سٶز سٶيلەگەن وبلىس ەكٸمٸ اماندىق باتالوۆ ەلباسىنىڭ «پرەزيدەنتتٸڭ 5 ەلەۋمەتتٸك جوباسى» ٷندەۋٸنٸڭ حالىققا تىڭ سەرپٸن بەرگەنٸن اتاپ ٶتٸپ:
– ۇلىستىڭ ۇلى كٷنٸ, جاقسىلىقتىڭ جارقىن مەرەكەسٸ, جىل باسى – ناۋرىز مەيرامى قۇتتى بولسىن! ۇلىس وڭ, اق مول بولسىن! قازىنالى قارتتار, جالىندى جاستار, باقىتتى سەبيلەرٸمٸز امان بولسىن! كٷللٸ شىعىس جۇرتىنا ورتاق – ناۋرىز مەرەكەسٸنٸڭ تاريحى تىم تەرەڭدە جاتىر. حالقىمىز ۇلىستىڭ ۇلى كٷنٸندە – جاڭا جىلعا ٷلكەن ٷمٸت ارتادى. سەبەبٸ ناۋرىز ايى جاڭارۋ مەن جاڭا ٸستٸڭ, ىرىc پەن ىنتىماقتىڭ التىن ارقاۋى سانالعان. بەرەكە مەن بٸرلٸكتٸڭ باستاۋى بولعان بۇل مەرەكەدە بارشا جەتٸسۋلىقتارعا, ەر شاڭىراققا باقىت, قۋانىش تٸلەيمٸن. تەۋەلسٸزدٸك تۇعىرى بەرٸك بولىپ, ەل ابىرويى ارتا بەسٸن! – دەدٸ ٶز قۇتتىقتاۋىندا.
مۇنان سوڭ وبلىس ەكٸمٸ ا. باتالوۆ جەتٸسۋلىقتاردىڭ اتىنان قازاق عارىشكەرٸ, حالىق قاھارمانى, ەسكەري-ەۋە كٷشتەرٸنٸڭ گەنەرال-مايورى ايدىن ايىمبەتوۆتٸ قۇتتىقتاپ, وعان «الماتى وبلىسىنىڭ قۇرمەتتٸ ازاماتى» اتاعىن رەسمي تٷردە تابىستادى.
مەرەكە سٷيٸنباي اتىنداعى وبلىستىق فيلارمونييانىڭ, «تالدىقورعان ەۋەندەرٸ» فولكلورلىق-ەتنوگرافييالىق انسامبلٸنٸڭ جەنە قازاق ەستراداسى ٶنەرپازدارىنىڭ كونتسەرتٸمەن جالعاستى.
اتاپ ٶتسەك, وسى كٷنٸ «تالدىقورعان» يپپودرومىندا كٶكپار جارىسى ٶتتٸ. ال كەشكٸلٸك «جاستار» ساياباعىندا بي كەشٸ ۇيىمداستىرىلادى.
الماتى وبلىسى ەكٸمٸنٸڭ باسپاسٶز قىزمەتٸ
