جەتٸسۋ وبلىسىندا اقسۋ جەنە كٶكسۋ قانت زاۋىتتارىنا ٶتكٸزٸلگەن تازا سالماعى 560 مىڭ توننا قانت قىزىلشاسىنا 14 ملرد. تەڭگە سۋبسيدييا تولىق كٶلەمدە تٶلەندٸ,- دەپ حابارلايدى Dalanews.kz جەتٸسۋ وبلىسى ەكٸمٸنٸڭ باسپاسٶز قىزمەتٸنە سٸلتەمە جاساپ.
وبلىستىق اۋىل شارۋاشىلىعى باسقارماسىنىڭ مەلٸمەتٸنە قاراعاندا, قانت قىزىلشاسى بويىنشا سۋبسيدييالاۋعا 679 ٶتٸنٸم تٷسكەن. سوعان سەيكەس شارۋالارعا سۋبسيدييا تولىق كٶلەمدە تٶلەندٸ. سونداي-اق اقسۋ جەنە كٶكسۋ قانت زاۋىتتارى قابىلداعان قانت قىزىلشاسى ٷشٸن شارۋا قوجالىقتارىنا 8,4 ملرد. تەڭگە تٶلەدٸ.
"بٸز اقسۋ, كٶكسۋ زاۋىتتارىنا قانت قىزىلشاسىن ٶتكٸزگەنبٸز. بٷگٸنگٸ كٷنٸ ەكٸ زاۋىت تا شارۋاشىلىقتارىمىزبەن تيەسٸلٸ ەسەپ ايىرىسىپ بولدى. قازٸرگٸ كەزدە باسىم داقىلدارعا بەرٸلەتٸن سۋبسيدييانى الدىق, سونىڭ ارقاسىندا كٶكتەمگٸ دالا جۇمىستارىنا دايىندىعىمىز قىزۋ جٷرٸپ جاتىر. جالپى كٶكتەمگٸ ەگٸسكە قاجەتتٸ تەحنيكالاردى جٶندەۋ جۇمىستارىن وسىدان بٸر اي بۇرىن باستاعانبىز. قازٸر ەگٸستٸك القاپتارعا كەرەكتٸ تۇقىمعا تاپسىرىس بەرٸپ قويدىق. بٸز جىل سايىن قانت قىزىلشاسىن كەم دەگەندە 100 گەكتار جەرگە سەبەمٸز. بيىل دا قانت قىزىلشاسىن, جٷگەرٸ, مايبۇرشاق سيياقتى بٸرقاتار داقىل ەگۋدٸ جوسپارلاپ وتىرمىز. كٶكتەمگٸ دالا جۇمىستارىنا جەڭٸلدٸك باعامەن بەرٸلەتٸن جانار-جاعارماي الاتىن قارجىمىز دا دايىن", - دەيدٸ كٶكسۋ اۋدانىنداعى «كەڭ دالا» شارۋا قوجالىعىنىڭ باسشىسى قاليبەك الپىسباەۆ.
ەسكە سالساق, ٶتكەن جىلى جەتٸسۋ وبلىسىندا قانت قىزىلشاسىنىڭ ەگٸس القاپتارى 13,7 مىڭ گەكتار بولدى. ودان جالپى 635,0 مىڭ توننا ٶنٸم الىندى, ورتاشا ٶنٸمدٸلٸگٸ گەكتارىنا 465,0 تسەنتنەردەن اينالدى. الىنعان ٶنٸمنٸڭ 5 مىڭ تونناسى مال ازىعىنا باعىتتالسا, 630 مىڭ تونناسى زاۋىتتارعا ٶتكٸزٸلدٸ, ونىڭ 560 مىڭ تونناسى تازا سالماقتى قۇرادى.
