جەتىسۋ وبلىسى تالدىقورعان قالاسىندا پوليسيا ەكى ەسىرتكى زەرتحاناسىن اشكەرەلەدى، دەپ حابارلايدى Dalanews.kz.
جەدەل ىزدەستىرۋ ءىس-شارالارى بارىسىندا ءبىر قىلمىستىق سحەما اياسىندا ارەكەت ەتكەن 31 جانە 21 جاستاعى ەكى شەتەل ازاماتى ۇستالدى.
تەرگەۋ بارىسىندا ولاردىڭ سينتەتيكالىق ەسىرتكى دايىنداۋمەن اينالىسقانى انىقتالدى.
"ءتىنتۋ كەزىندە زەرتحانالىق قۇرال-جابدىقتار، حيميالىق رەاگەنتتەر، سونداي-اق، وتكىزۋگە دايىندالعان 1،3 كەلىدەن اسا مەفەدرون تاركىلەندى. ءقازىر كۇدىكتىلەر ۋاقىتشا ۇستاۋ يزولياتورىنا قامالدى. قىلمىستىڭ بارلىق ءمان-جايىن انىقتاۋعا، سونىڭ ىشىندە ۇيىمداستىرۋشىنى جانە باسقا دا قاتىسۋشىلاردى اشكەرەلەۋگە باعىتتالعان تەرگەۋ جۇرگىزىلىپ جاتىر"، - دەدى ءىىم وكىلى.
پوليسيانىڭ مالىمەتىنشە، ەسىرتكىنىڭ زاڭسىز اينالىمى مىندەتتى تۇردە قىلمىستىق جاۋاپكەرشىلىككە اكەپ سوعادى.
