جەتٸسۋدا جٷز جاڭا بيزنەس-جوبا ٸسكە قوسىلماق
الماتى وبلىسىنىڭ ەكونوميكاسىنىڭ قارقىندى دامۋىندا ميكرو جەنە شاعىن بيزنەس سەكتورى ماڭىزدى رٶل اتقارىپ كەلەدٸ. وبلىستاعى شاعىن جەنە ورتا بيزنەستە 110 مىڭ سۋبەكتٸ, ولاردا جۇمىس ٸستەيتٸندەردٸڭ سانى 11% ٶسٸپ, 248 مىڭ ادامعا جەتتٸ. وسى سالادا ٶندٸرٸلگەن ٶنٸم مەن كٶرسەتٸلگەن قىزمەت كٶلەمٸ 1 ترلن تەڭگەنٸڭ اينالاسىندا, ولاردان 75 ملرد تەڭگە سالىق تٷسٸپ, ونىڭ جەرگٸلٸكتٸ بيۋدجەتتەگٸ ٷلەسٸ 37-دەن 43%-كە ٶستٸ.
الماتى وبلىسىنىڭ كەسٸپكەرلٸك جەنە يندۋستريالدى-يننوۆاتسييالىق دامۋ باسقارماسىنىڭ مەلٸمەتتەرٸ بويىنشا, جاڭا جوبالاردىڭ نەگٸزگٸ بٶلٸگٸ ساۋدا, ٶنەركەسٸپ جەنە تاماق ٶنٸمدەرٸن ٶندٸرۋ سالالارى بولماق.
ٸلە اۋدانىنداعى ەڭ ٸرٸ جوبالاردىڭ بٸرٸ «سوكول اۆتودروم» سپورتتىق-تەحنيكالىق كەشەنٸ بولىپ تابىلادى. جوباعا 22 ملرد 235 ملن تەڭگە بٶلٸنگەن. اۋقىمدى ماقساتتى ورىنداۋعا جەرگٸلٸكتٸ تۇرعىنداردان 70 ادامدى جۇمىسپەن قامتۋ مٷمكٸندٸگٸ تۋىپ وتىر.
سونىمەن قاتار ٸلە اۋدانى جٷزەگە اسىرىلاتىن جوبالار بويىنشا ەڭ ٷلكەن كٶرسەتكٸش كٶرسەتۋدە. جالپى العاندا, 418 جاڭا جۇمىس ورنىن اشۋ كٶزدەلگەن. سونىڭ ٸشٸندە اۋدان ورتالىق جىلىتۋ جٷيەسٸن جٷرگٸزۋدٸ, تاۋ-كەن ٶنەركەسٸبٸن دامىتۋ ٷشٸن ٶڭدەلمەگەن كەن ٶندٸرۋ زاۋىتىن اشۋ, مال شارۋاشىلىعىن جەنە قۇرىلىس ماتەريالدارىن ٶندٸرەتٸن بٸرنەشە زاۋىتتار سالىنباق.
مىسالى, كٶكسۋ اۋدانىندا قاراشادا 1000 باس مالعا ارنالعان جەمدەيتٸن ورىن پايدالانۋعا بەرۋ جوسپارلانعان, ال بالقاش اۋدانىندا جالپى قۇنى 895 ملن تەڭگەدەن اساتىن ەكٸ ازىق-تٷلٸك الاڭى ٸسكە قوسىلادى.
قاراتال اۋدانىندا «Almaty Energy Project» جشس اعىمداعى جىلدىڭ قىركٷيەك ايىندا كٷن ەلەكتر ستانساسىن,قاپشاعاي قالاسى «سارىبۇلاق جەس» جشس 11 جەل ەلەكتر ستانساسىن تۇرعىزۋدى جوسپارلاۋدا.
ەسكەلدٸ اۋدانىنىڭ «سەلەم-قۇس» جشس بيىلعى جىلى بٶدەنە شارۋاشىلىعىن سالۋدى باستايدى, اقسۋ اۋدانىنىڭ «كالەكوۆ» شارۋا قوجالىعى ٷشكٶل كٶلٸندە بالىق ٶسٸرۋدٸ كٶزدەۋدە.
جوبالاردىڭ باسىم بٶلٸگٸ 2018 جىلى الاكٶل اۋدانىندا جٷزەگە اسىرىلاتىن بولادى. ٶڭٸردە جەكە كەسٸپكەرلەر تۋريزم سالاسىن دامىتۋ ٷشٸن دەمالىس ورىندارىن, قوناق ٷي كەشەندەرٸن, دٷكەندەر مەن شاعىن-بازارلاردىڭ قۇرىلىسىن جٷرگٸزٸپ جاتىر. رايىمبەك اۋدانى دا وسى سالانى باستى نازارعا الىپ وتىر.
ايتا كەتۋ كەرەك, ولاردىڭ بارلىعى مەملەكەت تاراپىنان قولداۋ تاپقان. ٶز ٶنٸمدەرٸن اشۋعا نەمەسە كەڭەيتۋگە نيەت بٸلدٸرگەن ادامدارعا نەسيە, جەڭٸلدٸكتەر, گرانتتار بەرٸلەتٸن بولادى.
ەسكە سالايىق, بىلتىر ايماق باسشىسى اماندىق باتالوۆ تۇرعىندارمەن كەزدەسۋ بارىسىندا باستى باسىمدىقتاردىڭ بٸرٸ 100 جاڭا كەسٸپورىن قۇرۋ كەرەكتٸگٸن اتاپ ٶتكەن بولاتىن.
– بۇل جوبا قاراپايىم حالىقتىڭ جۇمىسپەن قامتىلۋىنا كٶپ مٷمكٸندٸك بەرەدٸ جەنە ولاردىڭ جۇمىسپەن قامتىلعاندار اراسىنداعى ٷلەسٸن 30-دان 25%-كە تٶمەندەتۋگە جاعداي جاسايدى, – دەدٸ ا. باتالوۆ.
بالجان قايراتقىزى,
الماتى وبلىسى.
