Almaty oblysynyń ekonomıkasynyń qarqyndy damýynda mıkro jáne shaǵyn bıznes sektory mańyzdy ról atqaryp keledi. Oblystaǵy shaǵyn jáne orta bızneste 110 myń sýbekti, olarda jumys isteıtinderdiń sany 11% ósip, 248 myń adamǵa jetti. Osy salada óndirilgen ónim men kórsetilgen qyzmet kólemi 1 trln teńgeniń aınalasynda, olardan 75 mlrd teńge salyq túsip, onyń jergilikti búdjettegi úlesi 37-den 43%-ke ósti.
Almaty oblysynyń kásipkerlik jáne ındýstrıaldy-ınnovasıalyq damý basqarmasynyń málimetteri boıynsha, jańa jobalardyń negizgi bóligi saýda, ónerkásip jáne tamaq ónimderin óndirý salalary bolmaq.
İle aýdanyndaǵy eń iri jobalardyń biri «Sokol avtodrom» sporttyq-tehnıkalyq kesheni bolyp tabylady. Jobaǵa 22 mlrd 235 mln teńge bólingen. Aýqymdy maqsatty oryndaýǵa jergilikti turǵyndardan 70 adamdy jumyspen qamtý múmkindigi týyp otyr.
Sonymen qatar İle aýdany júzege asyrylatyn jobalar boıynsha eń úlken kórsetkish kórsetýde. Jalpy alǵanda, 418 jańa jumys ornyn ashý kózdelgen. Sonyń ishinde aýdan ortalyq jylytý júıesin júrgizýdi, taý-ken ónerkásibin damytý úshin óńdelmegen ken óndirý zaýytyn ashý, mal sharýashylyǵyn jáne qurylys materıaldaryn óndiretin birneshe zaýyttar salynbaq.
Mysaly, Kóksý aýdanynda qarashada 1000 bas malǵa arnalǵan jemdeıtin oryn paıdalanýǵa berý josparlanǵan, al Balqash aýdanynda jalpy quny 895 mln teńgeden asatyn eki azyq-túlik alańy iske qosylady.
Qaratal aýdanynda «Almaty Energy Project» JSHS aǵymdaǵy jyldyń qyrkúıek aıynda kún elektr stansasyn,Qapshaǵaı qalasy «Sarybulaq JES» JSHS 11 jel elektr stansasyn turǵyzýdy josparlaýda.
Eskeldi aýdanynyń «Sálem-Qus» JSHS bıylǵy jyly bódene sharýashylyǵyn salýdy bastaıdy, Aqsý aýdanynyń «Kalekov» sharýa qojalyǵy Úshkól kólinde balyq ósirýdi kózdeýde.
Jobalardyń basym bóligi 2018 jyly Alakól aýdanynda júzege asyrylatyn bolady. Óńirde jeke kásipkerler týrızm salasyn damytý úshin demalys oryndaryn, qonaq úı keshenderin, dúkender men shaǵyn-bazarlardyń qurylysyn júrgizip jatyr. Raıymbek aýdany da osy salany basty nazarǵa alyp otyr.
Aıta ketý kerek, olardyń barlyǵy memleket tarapynan qoldaý tapqan. Óz ónimderin ashýǵa nemese keńeıtýge nıet bildirgen adamdarǵa nesıe, jeńildikter, granttar beriletin bolady.
Eske salaıyq, byltyr aımaq basshysy Amandyq Batalov turǵyndarmen kezdesý barysynda basty basymdyqtardyń biri 100 jańa kásiporyn qurý kerektigin atap ótken bolatyn.
– Bul joba qarapaıym halyqtyń jumyspen qamtylýyna kóp múmkindik beredi jáne olardyń jumyspen qamtylǵandar arasyndaǵy úlesin 30-dan 25%-ke tómendetýge jaǵdaı jasaıdy, – dedi A. Batalov.
Baljan Qaıratqyzy,
Almaty oblysy.
