تابيعي گازدى اسىعا كۇتكەن وبلىس تۇرعىندارىنىڭ كوپشىلىگى بيىلعى جىلى كوگىلدىر وتىنعا قول جەتكىزدى. ءسويتىپ ءوڭىردى گازداندىرۋ 23% قۇراپ وتىر.
– تابيعي گازعا ءوتۋدىڭ ارتىقشىلىعى وتە كوپ: بىرىنشىدەن،ءوڭىر تۇرعىندارىنىڭ جىلۋعا كەتەتىن شىعىنى ازايادى، ەكىنشىدەن،تۇرعىنداردىڭ ءومىر ءسۇرۋ قولايلىلىعى ارتادى، ەڭ باستىسى باسقا وتىن تۇرلەرىنە قاراعاندا ەكولوگيالىق جاعىنان تازا، – دەدى اماندىق باتالوۆ.
ەسكە سالساق، 2020 جىلعا قاراي الماتى وبلىسىنىڭ بەس اۋدانى مەن قاپشاعاي قالاسى تولىعىمەن 100% گازداندىرىلادى، ال جالپى وبلىستا گازبەن قامتۋ دەڭگەيى 45%-كە جەتەدى.
سول سياقتى الماتى وبلىسىندا ورتالىقتاندىرىلعان اۋىز سۋمەن قامتۋ 86%-عا جەتتى. بۇل رەسپۋبليكاداعى ەڭ جوعارعى كورسەتكىش (قر- بويىنشا – 55 %). بۇل مالىمەتتەردى وبلىس اكىمى اماندىق باتالوۆ ورتالىق كوممۋنيكاسيالار قىزمەتىندە وتكەن بريفينگ بارىسىندا ايتتى.
بريفينگىدە بەلگىلى بولعانىنداي، بيىلعى جىلى الماتى وبلىسىندا جالپى قۇنى 9،9 ملرد. تەڭگە بولاتىن 107 جوبا جۇزەگە اسىرىلۋدا. سونىڭ ناتيجەسىندە 18 ەلدى مەكەنگە سۋ قۇبىرى جۇرگىزىلىپ، 80-ىندە سۋ ساپاسى جاقسارادى.
الماتى وبلىسى اكىمى ا.باتالوۆتىڭ ورتالىق كوممۋنيكاسيالار قىزمەتىندەگى برەفينگى
https://dalanews.kz/31762
