جەتىسۋ ۋنيۆەرسيتەتىندە XIII جازعى ۋنيۆەرسيادا ويىندارىنا قاتىساتىن ستۋدەنتتەرمەن كەزدەسۋ ءوتتى، – دەپ حابارلايدى Dalanews.kz جەتىسۋ  ۋنيۆەرسيتەتىنىڭ باسپا ءسوز قىزمەتىنە سىلتەمە جاساپ.  

كەزدەسۋدە باسقارما ءتوراعاسى – رەكتور ەرمەك بورىبايەۆ جارىسقا قاتىسۋشى سپورتشىلارعا ساتتىلىك تىلەپ، كوماندا كاپيتانى دەنە شىنىقتىرۋ جانە ونەر فاكۋلتەتىنىڭ 2 كۋرس ستۋدەنتى التاي قالقامانعا ۋنيۆەرسيتەت بايراعىن سالتاناتتى تۇردە تابىستادى. 

«جەتىسۋ ۋنيۆەرسيتەتىنىڭ ستۋدەنتتەرى سپورت جارىستارىندا ۇزدىك كورسەتكىشتەرگە قول جەتكىزىپ كەلەدى. بىلتىر ستۋدەنتتەرىمىز الەم، ازيا، حالىقارالىق جانە رەسپۋبليكالىق چەمپيوناتتاردا 26 التىن، 20 كۇمىس، 10 قولا مەدالعا يە بولدى. ءبىلىم ورداسىنىڭ مەرەيىن اسىرىپ جۇرگەن مۇنداي سپورتشىلارىمىزدى ءبىز ءاردايىم ماقتان تۇتامىز. بۇگىن دە ارامىزدا سايدىڭ تاسىنداي ىرىكتەلگەن ۇزدىكتەر وتىر. ءبىز سىزدەرگە سەنەمىز!» – دەدى رەكتور.

ءىس-شارا بارىسىندا جەتىسۋ ۋنيۆەرسيتەتىنىڭ قۇرمەتتى پروفەسسورى، ارداگەر ۇستاز بولات مولدابەكوۆ ستۋدەنتتەرگە اق باتاسىن بەرسە،  ق ر ەڭبەك سىڭىرگەن جاتتىقتىرۋشىسى كانات شونىراكوۆ جارىس جولىندا ساتتىلىك تىلەدى.

سپورتشىلار ءوز كەزەگىندە تۇركى الەمىنىڭ رۋحاني استاناسى – تۇركىستاندا  وتەتىن  جارىستان جۇلدەمەن ورالۋعا ۋادە بەردى.

XIII جازعى ۋنيۆەرسيادا ويىندارىندا ۋنيۆەرسيتەتىمىزدىڭ سپورتشىلارى جەڭىل اتلەتيكا، توعىزقۇمالاق، باسكەتبول، ۆولەيبول، دزيۋدو، تاەكۆاندو، ەركىن كۇرەس، گرەك-ريم كۇرەسى، بوكس، فۋتزال سەكىلدى سپورتتىڭ 11 تۇرىنەن ب ا ق سىنايدى. تۇركىستان تورىندە وتەتىن ءدۇبىرلى دودادا جەتىسۋ ۋنيۆەرسيتەتىنىڭ سپورتشىلارى بيىك بەلەستەردى باعىندىرىپ، وقۋ ورنىنىڭ مەرەيىن ۇستەم ەتەدى دەپ سەنەمىز.