وبلىس قۇرىلعانعا دەيٸن جەتٸسۋ ٶڭٸرٸندە نەبارى تەك 5 ەلدٸ مەكەن گازداندىرىلعان بولسا, بٷگٸنگە دەيٸن تاعى 79 ەلدٸ مەكەنگە تابيعي گاز جەتكٸزٸلدٸ. قازٸر وبلىستا 84 ەلدٸ مەكەنگە گاز تارتىلدى, دەپ حابارلايدى Dalanews.kz
جالپى, گازداندىرۋ – پرەزيدەنتتٸڭ تاپسىرماسىنا سەيكەس وبلىس باسشىلىعى ەرەكشە مەن بەرٸپ وتىرعان باسىم باعىتتاردىڭ بٸرٸ. 2025 جىلدىڭ سوڭىنا دەيٸن ٶڭٸردە گازداندىرۋ دەڭگەيٸ 71,4% بولىپ, پانفيلوۆ اۋدانىن قوسا العاندا, كەربۇلاق اۋدانىنان تالدىقورعانعا دەيٸنگٸ 500 مىڭنان استام حالقى بار 126 ەلدٸ مەكەن گازعا قول جەتكٸزە الادى.
تۇرعىنداردىڭ ايتۋىنشا, كٶگٸلدٸر وتىننىڭ كەلۋٸمەن بٸرگە اۋىلداعى تۇرمىس تا جايلى بولا تٷسكەن.
- بٸزدٸڭ اۋىلعا گاز 2023 جىلدان باستاپ بەرٸلە باستادى. كٶگٸلدٸر وتىن جەتكٸزٸلەدٸ دەگەندٸ ەستٸگەننەن كەيٸن وتباسىمىزعا جاڭا ٷي تۇرعىزدىق. ەندٸ پەش جاعۋدىڭ, كٶمٸر-وتىن تاسۋدىڭ قاجەتٸ بولمايدى. قازٸر جاڭا ٷيٸمٸزدە گاز دا, سۋ دا بار. مەملەكەت تاراپىنان اۋىلدىق جەرگە بارلىق جاعداي جاسالىپ جاتقانى قۋانتادى, - دەدٸ كٶكسۋ اۋدانى الدابەرگەنوۆ اۋىلىنىڭ تۇرعىنى قۇدايبەرگەن ماحمەتوۆ.
سونىمەن قاتار 2024 جىلدىڭ تامىز ايىندا «تالدىقورعان-ٷشارال» ماگيسترالدى گاز قۇبىرىنىڭ قۇرىلىسى باستالدى. بيىلعى جىلدىڭ كٷزٸندە اياقتالادى دەپ كٷتٸلۋدە. بۇل جوبانى ٸسكە اسىرۋدىڭ نەتيجەسٸندە الاكٶل, اقسۋ, سارقان اۋداندارىنىڭ 66 ەلدٸ مەكەنٸ گازبەن قامتاماسىز ەتٸلمەك.
سونداي-اق الداعى ۋاقىتتا وبلىستى تابيعي گازبەن قوسىمشا قامتاماسىز ەتۋ ٷشٸن «الماتى - تالدىقورعان» لۋپينگٸسٸنٸڭ (ەكٸنشٸ تارماعى) قۇرىلىسىن سالۋعا قاتىستى دايىندىق جٷرگٸزٸلۋدە.
اتاپ ٶتسەك, گازداندىرۋ ٸسٸ بارىسىندا 1800-دەي تۇراقتى جەنە ۋاقىتشا جۇمىس ورىندارى اشىلدى.
گاز قوستىرۋ قۇنىنا توقتالساق, وبلىس ەكٸمٸنٸڭ تاپسىرماسىنا سەيكەس قابىلدانعان شارالاردىڭ ارقاسىندا بەسەكەلەستٸك ورتانى دامىتۋ ارقىلى گاز قوستىرۋ قۇنىن قازاندىق پەن قاجەتتٸ جيىنتىقتاردى قوسپاعاندا 170-175 مىڭ تەڭگەگە دەيٸن تٶمەندەتۋگە مٷمكٸندٸك تۋدى (گاز قۇبىرىنىڭ ۇزىندىعى 25 مەترگە دەيٸن). سونىمەن بٸرگە بٸر جارىم جىلدىڭ ٸشٸندە 1600 گاز قازاندىعىن ساتىپ الۋعا 500 ميلليون تەڭگە بٶلٸندٸ, تۇرعىندارعا قازاندىقتىڭ تٶلەمٸن 10 ايعا دەيٸن بٶلٸپ تٶلەۋگە جەڭٸلدٸكتٸ جاعداي جاسالىپ وتىر.
جالپى, 2028 جىلعا قاراي جەتٸسۋ وبلىسىندا گازداندىرۋعا جاتاتىن 192 ەلدٸ مەكەنگە تولىقتاي گاز تارتىلادى. سونىڭ ارقاسىندا 624 مىڭنان استام تۇرعىن نەمەسە ٶڭٸر حالقىنىڭ 91%-ى كٶگٸلدٸر وتىنعا قول جەتكٸزە الادى.
