2022 جىلى جەتىسۋ وبلىسىنداعى جەر رەسۋرستارىن اەروعارىشتىق تۇگەندەۋ جۇمىستارى ناتيجەسىندە پايدالانىلماي جاتقان اۋىل شارۋاشىلىعى ماقساتىنداعى 1،077،2 مىڭ گەكتار جەر انىقتالعانىن بۇگىن ورتالىق كوممۋنيكاسيالار قىزمەتىنىڭ ۇيىمداستىرۋىمەن وتكەن بريفينگتە جەتىسۋ وبلىسىنىڭ اكىمى بەيبىت يسابايەۆتىڭ ايتتى، – دەپ حابارلايدى Dalanews.kz جەتىسۋ وبلىسى اكىمىنىڭ باسپا ءسوز قىزمەتىنە سىلتەمە جاساپ.

وبلىس باسشىسىنىڭ ايتۋىنشا يگەرىلمەي جاتقان جەردىڭ 857،2 مىڭ گەكتارى جايىلىمدىق جەر ەكەن. قابىلدانعان شارالاردىڭ ارقاسىندا سول جايىلىمدىق جەردىڭ 327 مىڭ گەكتارى اينالىمعا ەنگىزىلگەن.

سپيكەر ءوز سوزىندە وتكەن جىلى مەملەكەت باسشىسىنىڭ وبلىسقا كەلگەن ساپارىندا بەرگەن ءبىرقاتار تاپسىرمالارىنا سايكەس اتقارىلعان جۇمىستاردىڭ قاتارىندا پايدالانىلماي جاتقان جەرلەردى قايتارۋ شارالارىنىڭ بارىسىنا كەڭىنەن توقتالىپ ءوتتى.

ماسەلەن، وتكەن جىلى وسىنداي 1،077،2 مىڭ گەكتار جەر انىقتالعان. سول انىقتالعان جەرلەر قاتارداعى 857،2 مىڭ گەكتارى جايىلىمدىق جەردىڭ بۇگىندە قابىلدانعان شارالار ناتيجەسىندە 327 مىڭ گەكتار اينالىمعا ەنگىزىلگەن، 401،7 مىڭ گا جەر يەلەرىنە زاڭ بۇزۋشىلىقتاردى جويۋعا 1 جىل مەرزىمگە نۇسقامالار بەرىلسە، 128،5 مىڭ گا جەر مەملەكەت مەنشىگىنە قايتارىلعان (6،9 مىڭ گەكتارەگىستىك جەر، و.ءى. 3،6 مىڭ – سۋارمالى؛ شابىندىق – 300 گەكتار؛ جايىلىم – 121،3 مىڭ گەكتار). قالعان 220 مىڭ گەكتار بيىل قايتارىلۋى ءتيىس. بۇگىنگى كۇنگە قايتارىلعانى 101،4 مىڭ گەكتار.