بۇگىن وسكەمەن قالاسىندا ۆولەيبولدان ايەلدەر كوماندالارى اراسىندا قازاقستاننىڭ XXXIII چەمپيوناتى مارەسىنە جەتىپ، فينالدا شىعىس قازاقستاننىڭ «بەرەل» كومانداسىنان باسىم تۇسكەن «جەتىسۋ» كومانداسى ەل چەمپيونى اتاندى. ءسويتىپ «جەتىسۋ» كۆك ۇلتتىق ليگا شەبەرلەرىنىڭ ايەلدەر ۆولەيبول كوماندالارى اراسىندا 9 دۇركىن چەمپيون بولىپ وتىر، - دەپ حابارلايدى Dalanews.kz جەتىسۋ وبلىسى اكىمى باسپا ءسوز قىزمەتىنە سىلتەپ.
وسىلايشا «جەتىسۋ» ۆولەيبول قىزدار كوماندارى 2024-2025 جىلدارداعى ماۋسىمدا ءۇشىنشى جەڭىسىنە قول جەتكىزىپ وتىر، ياعني ق ر چەمپيوناتىن توعىزىنشى رەت، سول سياقتى كۋبوگىن دا توعىزىنشى مارتە، سۋپەركۋبوكتى ءتورتىنشى مارتە ۇتىپ الدى. سۋپەركۋبوك يەلەنۋىنىڭ ارقاسىندا فيليپپيندە 18-28 ناۋرىزدا وتەتىن ۆولەيبولدان كلۋبتار اراسىنداعى ازيا چەمپيوناتىنا جولداما الدى.
ەسكە سالساق، ۇلتتىق ليگانىڭ ۆولەيبولدان ايەلدەر كوماندالارى اراسىندا قازاقستاننىڭ 33ء-شى چەمپيوناتىنىڭ پلەي-وفف ويىندارى وسكەمەن قالاسىندا 1 ناۋرىزدا باستالعان بولاتىن. 6-7 ناۋرىز كۇندەرى «جەتىسۋ» الدىمەن «تۇران» كومانداسىن ەكى مارتە جەڭىپ فينالعا شىققان ەدى. فينالدا «بەرەل» كومانداسىمەن ءۇش ويىن وتكىزدى. بۇگىنگى شەشۋشى ويىندا قورىتىندى ەسەپ 3:1، «جەتىسۋدىڭ» پايداسىنا شەشىلدى.
وسىلايشا بيىلعى چەمپيوناتتا «جەتىسۋ» كومانداسى التىن مەدالعا يە بولىپ، 9 دۇركىن قازاقستان چەمپيونى اتاندى. بۇل رەتتە جەكە نوميناسيا بويىنشا «جەتىسۋ» كومانداسىنان داريا شارگورودسكايا ۇزدىك بايلانىستىرۋشى، مادينا بەكەت ۇزدىك قورعاۋشى اتانسا، جالپى چەمپيوناتتىڭ ۇزدىك ويىنشىسى كارينا دەنيسوۆا دەپ تانىلدى.
چەمپيونات اياقتالعاننان كەيىن «جەتىسۋ» كومانداسىنىڭ باس باپكەرى ماركو گرشيچ وي ءبولىستى:
- ەڭ الدىمەن كوماندا ويىنشىلارىنا ريزامىن. كەشەگىدەن كەيىن بۇگىنگى ويىن وڭايعا تۇسكەن جوق. ءبىراق ءبىزدىڭ قىزدار ءوزىنىڭ مىقتىلىعىن كورسەتتى. بۇل رەتتە ءبىزدى سوڭىنا دەيىن قولداعان جانكۇيەرلەرىمىزگە دە العىس بىلدىرىمەمىن. بۇل ماۋسىم – «جەتىسۋ» كومانداسىنىڭ ماۋسىمى دەپ ماقتانىشپەن ايتا الامىز، - دەدى ول.
جالپى تالدىقورعاندا «جەتىسۋ» ۆولەيبول كاسىبي كلۋبىنا ارنالعان جاتتىعۋ ورتالىعى جۇمىس ىستەپ تۇر. وندا ەرلەر مەن ايەلدەر كوماندالارى جانە جاستاردىڭ قوسالقى قۇرامى جاتتىعادى.
