Búgin Óskemen qalasynda voleıboldan áıelder komandalary arasynda Qazaqstannyń XXXIII chempıonaty máresine jetip, fınalda Shyǵys Qazaqstannyń «Berel» komandasynan basym túsken «Jetisý» komandasy el chempıony atandy. Sóıtip «Jetisý» KVK Ulttyq lıga sheberleriniń áıelder voleıbol komandalary arasynda 9 dúrkin chempıon bolyp otyr, - dep habarlaıdy Dalanews.kz Jetisý oblysy ákimi baspasóz qyzmetine siltep.
Osylaısha «Jetisý» voleıbol qyzdar komandary 2024-2025 jyldardaǵy maýsymda úshinshi jeńisine qol jetkizip otyr, ıaǵnı QR Chempıonatyn toǵyzynshy ret, sol sıaqty Kýbogyn da toǵyzynshy márte, Sýperkýbokty tórtinshi márte utyp aldy. Sýperkýbok ıelenýiniń arqasynda Fılıppınde 18-28 naýryzda ótetin voleıboldan klýbtar arasyndaǵy Azıa Chempıonatyna joldama aldy.
Eske salsaq, Ulttyq lıganyń voleıboldan áıelder komandalary arasynda Qazaqstannyń 33-shi Chempıonatynyń Pleı-off oıyndary Óskemen qalasynda 1 naýryzda bastalǵan bolatyn. 6-7 naýryz kúnderi «Jetisý» aldymen «Turan» komandasyn eki márte jeńip fınalǵa shyqqan edi. Fınalda «Berel» komandasymen úsh oıyn ótkizdi. Búgingi sheshýshi oıynda qorytyndy esep 3:1, «Jetisýdyń» paıdasyna sheshildi.
Osylaısha bıylǵy chempıonatta «Jetisý» komandasy altyn medalǵa ıe bolyp, 9 dúrkin Qazaqstan chempıony atandy. Bul rette jeke nomınasıa boıynsha «Jetisý» komandasynan Dará Shargorodskaıa úzdik baılanystyrýshy, Madına Beket úzdik qorǵaýshy atansa, jalpy chempıonattyń úzdik oıynshysy Karına Denısova dep tanyldy.
Chempıonat aıaqtalǵannan keıin «Jetisý» komandasynyń bas bapkeri Marko Grshıch oı bólisti:
- Eń aldymen komanda oıynshylaryna rızamyn. Keshegiden keıin búgingi oıyn ońaıǵa túsken joq. Biraq bizdiń qyzdar óziniń myqtylyǵyn kórsetti. Bul rette bizdi sońyna deıin qoldaǵan jankúıerlerimizge de alǵys bildirimemin. Bul maýsym – «Jetisý» komandasynyń maýsymy dep maqtanyshpen aıta alamyz, - dedi ol.
Jalpy Taldyqorǵanda «Jetisý» voleıbol kásibı klýbyna arnalǵan jattyǵý ortalyǵy jumys istep tur. Onda erler men áıelder komandalary jáne jastardyń qosalqy quramy jattyǵady.
