جەتٸساي اۋدانىنا قاراستى اتامەكەن اۋىلدىق وكرۋگٸندەگٸ «پاۆەل» شارۋا قوجالىعى ٶزٸنٸڭ يەلٸگٸندەگٸ 9 گەكتار ەگٸستٸككە 20 جىلدان بەرٸ باقشا داقىلدارىن ەگٸپ كەلەدٸ, – دەپ حابارلايدى Dalanews.kz تٷركٸستان وبلىسى ەكٸمٸنٸڭ باسپاسٶز قىزمەتٸنە سٸلتەمە جاساپ.
بيىلعى جىلى دا قاربىزدىڭ ەرەكشە كٷتٸمدٸ قاجەت ەتەتٸن «ۆيكتورييا» سورتىن سەۋٸر ايىنىڭ باسىندا ەككەن. قاجەتتٸ اگروتەحنيكالىق شارالاردىڭ دەر كەزٸندە جاسالۋىنىڭ نەتيجەسٸندە پٸسٸپ جەتٸلگەن قاربىزدان ويداعىداي ٶنٸم الىنادى دەپ جوسپارلانىپ وتىر. اعىن سۋدى ٷنەمدەۋ ماقساتىندا ەنگٸزٸلگەن تامشىلاتىپ سۋعارۋ ەدٸسٸ ٶنٸمنٸڭ ارتۋىنا دا سەپتٸگٸن تيگٸزٸپ وتىر.
– العاشقى ٶنٸمدٸ قازٸر رەسەيگە جٸبەرٸپ جاتىرمىز. كەيٸن سۇرانىسقا قاراي ٶزگە دە ٶڭٸرلەرگە جٸبەرەمٸز. جىلداعىدان شىعىن كٶپ بولعانىمەن باعاسى دا ويداعىداي, كەلٸسٸن 150-170 تەڭگە ارالىعىندا ساتىپ جاتىرمىز. تامشىلاتىپ سۋعارۋ ەدٸسٸن قولداناتىندىقتان اعىن سۋدان, مينەرالدى تىڭايتقىشتاردان قيىندىق كٶرمەدٸك. ٶنٸمدٸلٸك تە ويداعىداي, – دەيدٸ شارۋا قوجالىق تٶراعاسى اسان مۋبينوۆ.
جەتٸسايلىق شارۋالار بيىلعى جىلى 79,3 مىڭ گەكتار سۋارمالى جەردٸڭ 40,8 مىڭ گەكتارىنا ماقتا شيتٸن سەپسە, 20,1 مىڭ گەكتار جەرگە باقشا, 7,2 مىڭ گەكتار جەرگە دەندٸك جٷگەرٸ, 3,3 مىڭ گا جەرگە كٶكٶنٸس پەن 6,3 مىڭ گەكتار جەرگە جوڭىشقا داقىلىن ەككەن.
اۋدانداعى 20,1 مىڭ گەكتارعا ەگٸلگەن باقشا داقىلدارىنىڭ 4 مىڭ گەكتارى قاربىز. بيىلعى جىلى 600 مىڭ توننادان استام باقشا ٶنٸمدەرٸ جينالادى دەپ جوسپارلانىپ وتىر. بىلتىرعى جىلى دا باقشا داقىلدارىنان ويداعىداي ٶنٸم الىنىپ, وبلىستا ٷزدٸكتەردٸڭ قاتارىنان كٶرٸندٸ.
ايتا كەتەيٸك, «پاۆەل» شارۋا قوجالىعى يەلٸگٸندەگٸ ەگٸستٸك القاپتارىنا قاربىزدان بٶلەك باكلاجان مەن بولگار بۇرىشىن, قىزاناق سىندى باقشا ٶنٸمدەرٸن ەگٸپ, جەرگٸلٸكتٸ تۇتىنۋشىلارعا تيٸمدٸ باعادا ساتۋدا. جىلىجاي جۇمىسىن دا دۇرىس جولعا قويعان.
