«جەتىساي» يندۋستريالدى ايماعىندا بيىل جالپى قۇنى 33 ملرد تەڭگەگە 11 جوبانى قولعا الۋ جوسپارلانعان. ناتيجەسىندە 1 870 جاڭا جۇمىس ورنى اشىلادى دەپ كۇتىلۋدە. بۇگىنگى تاڭدا جوسپارعا سايكەس، 4 جوبا ماقۇلدانىپ، ينۆەستورلار قۇرىلىس جۇمىستارىن باستادى. بۇل تۋرالى جەتىساي اۋدانىنىڭ اكىمى سەرىك مامىتوۆ ب ا ق وكىلدەرىمەن وتكەن بريفينگتە مالىمدەدى،- دەپ حابارلايدى Dalanews.kz
جەتىساي اۋدانىندا ءوڭىر كاسىپكەرلەرىنە قولايلى جاعداي جاساۋ ماقساتىندا اسىقاتا كەنتىنەن 59 گەكتار جەر اۋماعىنا «جەتىساي» يندۋستريالدى ايماعى قۇرىلعان بولاتىن. قازىرگى تاڭدا يندۋستريالدى ايماقتى ينفراقۇرىلىممەن قامتۋ ماقساتىندا جوبالاۋ-سمەتالىق قۇجاتتارى ازىرلەنۋدە.
«وڭىردە قۇرىلعان يندۋستريالدى ايماق اۋدانىمىزدىڭ ەكونوميكاسىنا وزىندىك وڭ اسەرىن بەرەرىنە سەنىم مول. قازىرگى تاڭدا اۋماقتا «تST Zhetysai Group» ءجشس-ى ماقتا وڭدەۋ زاۋىتى مەن ءجىپ ءيىرۋ فابريكاسىنىڭ قۇرىلىسىن باستادى. سونداي-اق، «اگرو ءسۇت» ءسۇت وڭدەۋ زاۋىتى، «بيرليك - ە» ماقتا وڭدەۋ ، «اltyn Kun Group» پوليەتيلەن قالدىقتارىن، سۋ ۇنەمدەۋ جابدىقتارىن ءوندىرۋ زاۋىتتارى بوي كوتەرۋدە. ايتا كەتەيىك، 2024 جىلى اۋداندا قۇنى 4،3 ملرد. تەڭگەنى قۇرايتىن 8 ينۆەستيسيالىق جوبا ىسكە اسىرىلىپ، 262 جاڭا جۇمىس ورنى قۇرىلعان بولاتىن» - دەدى ءوڭىر باسشىسى.
سونىمەن قاتار، اۋدان اكىمى بيىلعى جىلدىڭ ءى توقسانىندا جالپى وڭىرلىك ءونىم كولەمى 27،4 ملرد تەڭگەگە جەتكەنىن جەتكىزدى. جالپى 2025 جىلى بۇل كورسەتكىشتى 190،1 ملرد تەڭگەگە جەتكىزۋ جوسپارلانعان. 2024 جىلدىڭ قورىتىندىسىندا اۋدانداعى وڭىرلىك ءونىم كولەمى 184،1 ملرد تەڭگەگە جەتىپ، 2023 جىلمەن سالىستىرعاندا 10 ملرد تەڭگەگە ارتىعىمەن ورىندالعان. سونداي-اق، اۋدانداعى ونەركاسىپ ءونىمىنىڭ كولەمى 2024 جىلى 18،4 ملرد تەڭگەگە جەتىپ، 2023 جىلمەن سالىستىرعاندا 3،6 ملرد تەڭگەگە ارتقان. بيىل اتالعان كورسەتكىشتى 21،2 ملرد تەڭگەگە جەتكىزۋ كوزدەلىپ، ءى توقساندا ونەركاسىپ ءونىم كولەمى 4،6 ملرد تەڭگەنى قۇراپ وتىر. اۋداننىڭ نەگىزگى كاپيتالىنا باعىتتالعان ينۆەستيسيا كولەمى دە جىل ساناپ ارتىپ كەلەدى. ماسەلەن، وتكەن جىلى 43،7 ملرد تەڭگە ينۆەستيسيا تارتىلىپ، 2023 جىلمەن سالىستىرعاندا 18،4 ملرد تەڭگەگە ارتىعىمەن ورىندالعان. بيىلعى جىلى دا بۇل كورسەتكىشتى ارتتىرا ءتۇسۋ كوزدەلىپ وتىر.
اۋدان ەكونوميكاسىنىڭ باسىم بولىگىن اۋىل شارۋاشىلىعى سالاسى قۇرايدى. اگروونەركاسىپتىك كەشەنىن دامىتۋ باعىتىندا 10 مىڭعا جۋىق شارۋا قوجالىعى قىزمەت اتقارادى. بۇگىنگى كۇنگە 79،2 مىڭ گەكتار جەرگە اۋىل شارۋاشىلىعى داقىلدارى ەگىلگەن. بيىل 1،2 مىڭ گەكتار القاپقا ەرتە پىسەتىن قىرىققابات داقىلى ەگىلىپ، 40 مىڭ توننادان استام ءونىم جيناقتالعان. قازىرگى تاڭدا ديقاندار قاۋىن، قاربىز ءونىمىن جيناۋدى باستاعان. ءونىمنىڭ باسىم بولىگى رەسەي، بەلورۋسسيا، قىرعىز ەلدەرىمەن قاتار ەلىمىزدىڭ الماتى، استانا، شىمكەنت قالالارىنا جانە باسقا دا وبلىستارعا جولدانۋدا. جالپى اۋداندا ءونىم كولەمىن ۇلعايتۋ ماقساتىندا 321 شارۋا قوجالىق يەلەرى 1،2 مىڭ گەكتار جەردەن ەكى رەت ءونىم الۋ جوباسىن ىسكە اسىرۋدا.
ءوڭىر ينفراقۇرىلىمىن جاقسارتۋدا «اۋىل – ەل بەسىگى» جوباسى پايداسىن تيگىزۋدە. باعدارلاما اياسىندا 2024 جىلى 15 ەلدى مەكەندە 15 جوبانى ىسكە اسىرۋعا 2،5 ملرد تەڭگە بولىنگەن. بۇل قارجىلار ەلدى مەكەندەردى گازداندىرۋعا، جولداردى جوندەۋگە، مادەنيەت ۇيلەرىن كۇردەلى جوندەۋدەن وتكىزۋگە باعىتتالعان. ناتيجەسىندە قازىرگى تاڭدا اۋدانداعى ەلدى مەكەندەردىڭ تابيعي گازبەن قامتۋ كورسەتكىشى 81،9%-دى قۇراپ وتىر. جىل سوڭىنا دەيىن بۇل كورسەتكىش 86،6%-عا جەتەدى دەپ كۇتىلۋدە. سونداي-اق، اۋدان تۇرعىندارىن اۋىزسۋمەن قامتۋ كورسەتكىشى 100%-عا جەتكەنىن مالىمدەدى سەرىك ۇسەن ۇلى.
