ول الدىمەن جەتىساي اۋدانى، ج.ەرالييەۆ اۋىلدىق وكرۋگىندەگى «نۇرالى جول» شارۋا قوجالىعىندا بولىپ، ماقتا تەرۋ جۇمىستارىمەن تانىستى. تۇركىستان وبلىسىنىڭ اكىمى جانسەيىت تۇيمەبايەۆ مينيسترگە وڭىردەگى اۋىل شارۋاشىلى سالاسىنداعى جەتىستىكتەر مەن اتقارىلعان جۇمىستاردى ايتىپ ءوتتى.
«نۇرالى جول» شارۋا قوجالىعى بۇگىندە 497 گەكتار جەرگە ماقتا، باقشا داقىلدارى، جۇگەرى جانە جوڭىشقا ەككەن. الپىسقا جۋىق ادام جۇمىس ىستەيتىن شارۋا قوجالىعىنىڭ 47 تەحنيكاسى بار. جۇمىسشىلاردىڭ ايلىق جالاقىسى — 55 مىڭ تەڭگە. شارۋا قوجالىعىنىڭ ءتوراعاسى ە.ەرالييەۆتىڭ ايتۋىنشا، ماقتا تەرىم ناۋقانى ويداعىداي ءوتىپ جاتىر. «تاۋەلسىزدىكتىڭ 20 جىلدىعى» كانالىنىڭ ارقاسىندا بيىل مۇندا سۋ تاپشىلىعى بايقالماعان. وسىعان وراي، جەتىسايلىق ديقاندار سۋ ماسەلەسىن شەشىپ بەرگەن ەلباسىعا ريزا ەكەندەرىن جەتكىزدى.
ءومىرزاق شوكەيەۆ ەڭ باستى ماسەلە جەردى ءتيىمدى پايدالانۋ ەكەنىن ايتتى.
«بيىل وسى ايماقتىڭ ديقاندارىنان سۋ تاپشىلىعى بايقالىپ جاتىر دەگەن شاعىم تۇسكەن سوڭ ەلباسى تاجىكستان پرەزيدەنتىمەن سويلەسىپ، قوسىمشا سۋ جىبەرىلگەن بولاتىن. ەندى ءبىز جەردى نەعۇرلىم ءتيىمدى پايدالانۋعا كوڭىل بولگەنىمىز ءجون. اۋىل شارۋاشىلىعى ونىمدەرىنىڭ كولەمىن 5 جىلدا 2،5 ەسەگە كوبەيتۋ قاجەت. ول ءۇشىن اۋىل شارۋاشىلىعىندا جاڭا ادىس-تاسىلدەردى مەڭگەرىپ، جۇمىستى كۇشەيتۋ كەرەك. وسىمدىكتەردى حيميالىق ەمەس، بيولوگيالىق جولمەن قورعاۋدى قولعا العان ابزال» دەدى.
وسى ءىس-ساپاردا مينيستر مەن وبلىس اكىمى ديقاندارمەن بىرگە ماقتا تەرىپ، تۇركىستاننىڭ اق التىنىنىڭ ساپاسىنا جوعارى باعالارىن بەردى.
اۋىل شارۋاشىلىعى ءمينيسترى ودان كەيىن ش.دىلدابەكوۆ اۋىلدىق وكرۋگىندە ورنالاسقان «تاۋەلسىزدىكتىڭ 20 جىلدىعى» اتىنداعى ماشينالىق كانالعا باردى. مۇندا ول گنس-1، گنس-2 اراسىنداعى وزەكتى ماسەلە بولىپ تۇرعان 9 شاقىرىمدىق بولىگىنىڭ سۋ وتكىزۋ قابىلەتىنىڭ تەحنيكالىق جاعدايىمەن تانىستى. 2011 جىلى سالىنعان كانال قۇرىلىسىنا 13، 523 ملرد. تەڭگە جۇمسالعان. بۇگىندە اتالعان ايماقتىڭ سۋ وتكىزۋ قابىلەتى تومەندەگەن. الداعى ۋاقىتتا كۇردەلى جوندەۋ جاسالادى دەگەن جوسپار بار. كانال 86،7 مىڭ گەكتار ەگىستىك القاپتى اعىن سۋمەن قامتاماسىز ەتۋگە قاۋقارلى.
مينيستر اسىقاتا كەنتىندەگى «كورپوراسيا اق-التىن» ءجشس-نىڭ ماقتا شيكىزاتىن وڭدەۋ زاۋىتىنىڭ جۇمىسىمەن دە تانىستى. بۇل زاۋىتتا جىلىنا 60 مىڭ توننا ماقتا شيكىزاتىن قايتا وڭدەۋدەن وتكىزىلەدى. ناۋقان كەزىندە 265 ادام جۇمىس ىستەيدى. مۇندا وندىرىلگەن ونىمدەر تمد جانە شەت مەملەكەتتەرگە جونەلتىلەدى. اۋىل شارۋاشىلىعى ءمينيسترى وسىندا جيىن وتكىزىپ، اۋدانداعى ماقتا وڭدەۋ زاۋىتىنىڭ باسشىلارى شارۋا قوجالىقتارىنىڭ توراعالارىمەن جانە ترەيدەرلىك كومپانيالاردىڭ قاتىسۋىمەن ماقتا شيكىزاتىنىڭ وزەكتى ماسەلەلەرىن تالقىلادى.
ۆيسە-پرەمەر ودان كەيىن قاراقاي اۋىلدىق وكرۋگىندەگى «كەتەباي» وندىرىستىك كووپەراتيۆىنىڭ ەگىستىك القابىن ارالاپ كوردى. 1996 جىلى قۇرىلعان كووپەراتيۆ يەلەگىندەگى 800 گەكتار ەگىستىك جەرگە ماقتا ەككەن. ماقتانى وسىرۋگە جانە تەرۋگە ارنالعان 60-قا جۋىق تەحنيكاسى بار. ديقاندارمەن جۇزدەسكەن ءومىرزاق ەستاي ۇلى جەتىسايداعى ماقتا تەرىمى جۇمىستارىنا وڭ باعاسىن بەرىپ، ەڭبەكقور تۇرعىندارعا تابىس تىلەدى.
تۇركىستان وبلىسى اكىمىنىڭ باسپا ءسوز قىزمەتى
