قازمۇنايگاز باسشىسى ماعزۇم مىرزاعالييەۆ ماڭعىستاۋدا ەرەۋىلگە شىققان جۇمىسشىلاردىڭ ۇلتتىق كومپانيا قۇرامىنا كىرۋ تۋرالى تالابىن ورىنداۋ مۇمكىن ەمەس ەكەنىن ايتتى دەپ جازادى Dalanews.kz.
"بىلتىر ماڭعىستاۋ وبلىسىنداعى كەن ورىنداردا سەرۆيس قىزمەتىن كورسەتەتىن بىرنەشە مەردىگەر ۇيىمنىڭ جۇمىسشىلارى ۇلتتىق كومپانيانىڭ شتاتىنا قابىلداۋ تۋرالى تالاپ قويعانى راس. بۇل تالاپتى ورىنداۋ مۇمكىن ەمەس ەكەنىن بىرنەشە رەت اتاپ وكەن بولاتىنمىن. بۇل، كەمىندە، قازمۇنايگازدىڭ ەنشىلەس مەكەمەلەرىنە جۇمىسقا ورنالاسۋعا كەزەكتە تۇرعان وڭىردەگى جۇمىسسىز تۇرعىندارعا قاتىستى ادىلەتسىز بولار ەدى"، - دەپ اتاپ ءوتتى ماعزۇم مىرزاعالييەۆ ۇلتتىق كومپانيا سايتىندا جاريالانعان سۇحباتىندا.
بۇعان قاراماستان، ۇلتتىق كومپانيانىڭ جۇمىسشىلاردىڭ ەڭبەك جاعدايىن، اتاپ ايتقاندا تەحنيكانى جاڭارتۋ ماسەلەسىندە كومەكتەسۋگە دايىن ەكەنى ايتىلدى.
"دەگەنمەن، ءبىز مەردىگەر كومپانيالار جۇمىسشىلارىنىڭ ەڭبەك جاعدايىن جاقسارتۋ ماسەلەسىنە قاتىستى تالاپتاردى ورىنداۋدان باس تارتپايمىز. بۇعان دەيىن دە جۇمىسشىلاردىڭ تالابىن قولداپ، وسىنداي ۇيىمداردىڭ بىرىنە ءۇش جىل ىشىندە 200-دەن استام تەحنيكانى جاڭارتۋعا كومەكتەسۋگە كەلىستىك. بۇل كومپانيا ءۇشىن ايتارلىقتاي سوما، دەسە دە وسىنداي شەشىمگە كەلدىك"، - دەپ قوستى قمگ باسشىسى.
وسىعان دەيىن ماڭعىستاۋدا قازمۇنايگاز كەن ورىندارىنىڭ بىرىندە كولىك قىزمەتىن كورسەتەتىن "West Oil Software" مەكەمەسىنىڭ 400-دەن استام جۇمىسشىسى 2 ايدان بەرى نارازىلىق ءبىلدىرىپ، جۇمىسىن توقتاتقان بولاتىن. ولاردىڭ باستى تالاپتارىنىڭ ءبىرى – ۇلتتىق كومپانيانىڭ قۇرامىنا قوسىلۋ. WOS باسشىلىعى كومپانياعا ايتارلىقتاي شىعىن كەلگەننىن ايتىپ، جۇرگىزۋشىلەردى جۇمىستان شىعاراتىنىن مالىمدەگەن. نارازىلىق بىلدىرگەندەردىڭ 100-دەن استامى جۇمىسقا ورالعانى ايتىلعان.
