بەلگٸلٸ زاڭگەر ايمان ۋماروۆا جاڭا اتا زاڭنىڭ جوباسىنداعى تٸل مەن جەر تۋرالى باپتارعا پٸكٸرٸن ايتىپ, جەلٸدەگٸ دٷربەلەڭ تۋعىزاتىن حابارلامالارعا سەنبەۋگە شاقىردى, دەپ حابارلايدى Dalanews.kz.
زاڭگەر تٸل تۋرالى تاقىرىپتى قوزعاعاندا ديسكريميناتسيياعا جول بەرٸلمەۋ كەرەگٸن ايرىقشا اتاپ ٶتتٸ.
«كەي ادامدار تەك قانا قازاق تٸلٸ – مەملەكەتتٸك تٸل رەتٸندە جازىلۋى كەرەكتٸگٸن ايتىپ جٷر. ەرينە, انا تٸلٸمٸزدٸڭ مەرتەبەسٸ جوعارى, سولاي بولۋى دا كەرەك. بٸراق بۇل جەردە حالىقارالىق كونۆەنتسييالاردى الاتىن بولساق, ديسكريميناتسييا دەگەن مەسەلە بار. قاي جەرگە بارساڭ دا, مىسالى امەريكادا يسپان تٸلٸندە سٶيلەسەڭٸز, ولارعا ەشكٸم «يسپانشا سٶيلەگەنٸڭٸز ٷشٸن جۇمىسقا المايمىز» دەمەيدٸ. تٷسٸنەسٸز بە? بۇل جەردە كٸم قاي تٸلدە سٶيلەگٸسٸ كەلەدٸ, سول تٸلدە سٶيلەيدٸ. بٸراق ەلبەتتە, اعىلشىن تٸلٸن بٸلمەگەندەردٸڭ ٶزٸنە قيىنىراق بولادى», – دەدٸ اايمان ۋماروۆا Instagram جەلٸسٸندە جاڭا كونستيتۋتسييانى تالقىلاۋ جٶنٸندەگٸ تٸكەلەي ترانسلياتسييادا.
زاڭگەر ٶز ەلٸمٸزدە دە كەڭەس زامانىندا تۋعان, ەلٸ قازاقشا سٶيلەي المايتىن ازاماتتارىمىز بار ەكەنٸن ەسكە سالدى.
«ەگەر قازٸر بٸز قازاق تٸلٸندە سٶيلەي المايتىن قازاقتارعا «ەندٸ بەرٸ تەك قازاقشا بولادى» دەسەك, ولارعا ديسكريميناتسييا بولادى. سونى تٷسٸنۋ كەرەك. ۋاقىت ٶتەدٸ, ۋاقىت ٶتكەن سوڭ, كٸشكەنە دە بولسا ٶزگەرٸستەر ورناي باستايدى. دەل قازٸر مۇنى جاساۋ قيىن, سەبەبٸ ديسكريميناتسييا جاساۋ – مٷلدەم دۇرىس ەمەس», – دەيدٸ ايمان ۋماروۆا.
سونىمەن بٸرگە, سپيكەر جاڭا كونستيتۋتسييادا جەر تۋرالى دا ەشبٸر ٶزگەرٸس ەنگٸزٸلمەگەنٸن ايتىپ, قاۋەسەت سٶزدەرگە سەنبەۋگە شاقىردى.
«جەلٸدە كٶپتەگەن قولدانۋشى «جەرٸمٸز ساتىلاتىن بولدى» دەپ دٷربەلەڭ تۋعىزۋدا. مەنٸڭ ايتارىم – ەشكٸمگە سەنبەڭٸزدەر. مىنا جەردە مەن ناقتى قاراپ وتىرمىن, جەر تۋرالى ەشقانداي ٶزگەرٸس جوق. جەر تۋرالى ٶزگەرٸس بولادى دەگەندٸ ەشكٸمنەن ەستٸگەن جوقپىن. قازٸرگٸ كونستيتۋتسييادا قالاي جازىلسا, تۋرا سولاي قالدىرىلعان. جەر تۋرالى ەشكٸم ەشنەرسە دەپ جاتقان جوق», – دەپ سٶزٸن تٷيٸندەدٸ ايمان ۋماروۆا.
