ماجىلىستە "جەر قويناۋى جانە جەر قويناۋىن پايدالانۋ تۋرالى" كودەكسكە تۇزەتۋلەر تانىستىرىلدى. تۇزەتۋلەردى تالقىلاۋ بارىسىندا ءماجىلىس دەپۋتاتتارى باقتىقوجا ىزمۇحامبەتوۆ پەن البەرت راۋ شارپىسىپ قالدى، - دەپ حابارلايدى Dalanews.kz.
دەپۋتات باقتىقوجا ىزمۇحامبەتوۆ زاڭ جوباسىنداعى نورماعا قاتىستى داۋعا ارالاستى. نورما بويىنشا گەولوگيا كوميتەتىنىڭ گەولوگيالىق اقپاراتتى جيناۋ، ساقتاۋ، ەسەپكە الۋ، جۇيەلەۋ جانە قامتاماسىز ەتۋ جونىندەگى فۋنكسيالارى مەملەكەتتىك ورگاننان الىنىپ، اكسيونەرلىك قوعام (اق) رەتىندە قۇرىلاتىن ۇلتتىق وپەراتورعا بەرىلمەك.
دەپۋتات ىزمۇحامبەتوۆ جەر قويناۋىن پايدالانۋ سالاسىنداعى ۇزاق جىلدىق تاجىريبەسىنە قاراماستان، بۇل ماسەلە ۇكىمەتتىڭ قاراۋىنا ونىڭ قاتىسۋىنسىز جىبەرىلگەنىنە نارازىلىق ءبىلدىردى. ول ارىپتەستەرىنىڭ كەيبىرى لوببيستىك مۇددەلەرگە قىزمەت ەتىپ وتىرعانىن دا ايتىپ قالدى. وعان قوسا كەلىسىم راسىمدەرى بۇزىلعانىنا بايلانىستى ايىپتادى.
ال البەرت راۋ بۇل تۇزەتۋلەر پرەزيدەنت قاسىم-جومارت توقايەۆتىڭ تاپسىرمالارى شەڭبەرىندە ازىرلەنگەنىن جانە بارلىعى زاڭعا سايكەس جاسالعانىن مالىمدەدى.
تالقىلاۋ بارىسىندا ىزمۇحامبەتوۆ: "سوزدەرىمە جاۋاپ بەرەمىن"، - دەسە، دەپۋتات راۋ: "مەنى مەملەكەت مۇددەلەرىن بۇزدى دەپ ەشكىم ايىپتاي المايدى"، - دەپ جاۋاپ بەردى. وسىلايشا، زاڭ جوباسىن تالقىلاۋ دەپۋتاتتاردىڭ اراسىندا شيەلەنىس تۋدىرىپ، پىكىر قايشىلىعىنا الىپ كەلدى.
ايتا كەتەيىك، بۇل قۇجاتتا مەملەكەت باسشىسىنىڭ تاپسىرمالارىن ىسكە اسىرۋ بوي̆ىنشا «جەر قوي̆ناۋى جانە جەر قوي̆ناۋىن پاي̆دالانۋ تۋرالى» كودەكسكە وزگەرىستەر مەن تولىقتىرۋلار ەنگىزۋ كوزدەلگەن. تۇزەتۋلەر اياسىندا جەر قوي̆ناۋىن پاي̆دالانۋدىڭ ءبىرىڭعاي̆ پورتالى پاي̆دا بولادى.
بۇل پلاتفورما ارقىلى جەر قويناۋىن پايدالانۋعا ليسەنزيالاردى العاشقى ءوتىنىم قاعيداتى بويىنشا بەرۋ كوزدەلەدى. سونىمەن قاتار، جەر قويناۋىن پايدالانۋدىڭ مەملەكەتتىك قورىن باسقارۋدىڭ قازىرگى ەكى كەزەڭدىك باعدارلاماسىن الىپ تاستاپ، اۋكسيوندىق جۇيە ەنگىزۋ ۇسىنىلىپ وتىر. وسى ارقىلى پروسەستەردىڭ اشىقتىعى مەن تيىمدىلىگىن ارتتىرۋ كوزدەلگەن.
