تالداۋ بارىسىندا كومپانيا قىزمەتىنىڭ ۇيىمداستىرۋ-باسقارۋ قىزمەتى مەن نورماتيۆتىك-قۇقىقتىق بازاسى جان-جاقتى زەردەلەنەدى. ناتيجەلەرى بويىنشا ونىڭ قىزمەتىنىڭ تيىمدىلىگىن ارتتىرۋ، ۇيىمداستىرۋ قۇرىلىمىن وڭتايلاندىرۋ، بيزنەس-پروسەستەردى ترانسفورماسيالاۋ، اكىمشىلىك شىعىنداردى قىسقارتۋ، مەملەكەتتىك ساتىپ الۋدى ءتيىمدى ەتۋ جانە سىبايلاس جەمقورلىق تاۋەكەلدەرىن جويۋ بويىنشا ناقتى ۇسىنىستار ەنگىزىلەدى.
كومپانيانىڭ باسشىلىعى مەن قىزمەتكەرلەرى تاراپىنان انىقتالعان قۇقىق بۇزۋشىلىق فاكتىلەرى بويىنشا پروسەسسۋالدىق شەشىم قابىلدانادى.
سونىمەن قاتار، اگەنتتىك جۇرتشىلىقپەن بىرلەسىپ COVID-19-بەن كۇرەسكە باعىتتالعان شەتەلدىك گۋمانيتارلىق كومەكتى تاراتۋدى تەكسەرۋدە.
سونداي-اق، سىبايلاس قىزمەتتىڭ ساتىپ الىناتىن قىزمەتتەردىڭ باعاسىن اسىرا كوتەرۋ ارقىلى "مەديسينالىق الەۋمەتتىك ساقتاندىرۋ قورى" كەاق-نىڭ قاراجاتىن جىمقىرۋ فاكتىسى بويىنشا سوتقا دەيىنگى تەرگەۋ باستاعانىن حابارلايمىز.
بۇل باعىتتاعى جۇمىس جالعاسۋدا.
