كوميسسيادا تولەبي اۋدانى اكىمى باۋىرجان وماربەكوۆ ءتوراعالىق ەتتى.
ماجىلىسكە اۋدان اكىمدىگى جانىنداعى سىبايلاس جەمقورلىققا قارسى كۇرەس ماسەلەلەرى جونىندەگى كوميسسيا مۇشەلەرى تولەبي اۋداندىق ءماسليحات حاتشىسى نۇرلان قويباعاروۆ، تولەبي اۋدانى پروكۋرورى، كىشى ادىلەت كەڭەسشىسى داۋلەت تىلەمىسوۆ، ق ر ۇلتتىق قاۋىپسىزدىك كوميتەتىنىڭ تۇركىستان وبلىسى بويىنشا دەپارتامەنتىنىڭ تولەبي اۋداندىق بولىمشەسىنىڭ باستىعى ايدار شاعىربايەۆ قاتىستى.
سونداي-اق، قالا جانە اۋىلدىق وكرۋگ اكىمدەرى، اۋداندىق دەربەس ءبولىم، قۇقىق قورعاۋ ورگاندارىنىڭ باسشىلارى شاقىرىلعان.
كۇن تارتىبىندە سىبايلاس جەمقورلىققا قارسى كۇرەس زاڭناماسىنىڭ ورىندالۋى بويىنشا 2018 جىلى 9 ايدا اتقارىلعان جۇمىستار جانە العا قويىلعان مىندەتتەرى قارالدى.
كۇن تارتىبىندەگى ماسەلە بويىنشا اۋداندىق قۇرىلىس ءبولىمىنىڭ باسشىسى ەرجان بەكبولاتوۆ «تولەبي اۋداندىق قۇرىلىس ءبولىمى» مەملەكەتتىك مەكەمەسىنىڭ سىبايلاس جەمقورلىققا قارسى ءىس-قيمىل جونىندە ءىس-شارالار جوسپارىنىڭ ورىندالۋ بارىسى تۋرالى بايانداما جاسادى.
اۋداندىق ءبىلىم ءبولىمىنىڭ باسشىسى روزا امانوۆا ءبىلىم سالاسى بويىنشا باياندادى.
اۋداندىق مادەنيەت جانە تىلدەردى دامىتۋ ءبولىمىنىڭ باسشىسى اۋەسبەك جاقسىبەك ۇلى 9 ايدا اتقارىلعان جۇمىستارى بويىنشا سلايدپەن بايانداما جاساپ «جەبە» درامالىق ۇجىمىنىڭ سىبايلاس جەمقورلىققا قارسى ساحنالىق قويىلىمى جايلى ايتىپ ءوتتى. بايانداما بارىسىندا اۋداندىق پروكۋرور د.تىلەمىسوۆ اتالعان قويىلىمدى الداعى ۋاقىتتا مەملەكەتتىك قىزمەتكەرلەردىڭ الدىندا كورسەتۋدى ۇسىندى.
كەمەقالعان اۋىلدىق وكرۋگىنىڭ اكىمى دوسىمجان دارىبايەۆ كەمەقالعان اۋىلدىق وكرۋگى اكىمىنىڭ سىبايلاس جەمقورلىققا قارسى ءىس-قيمىل، قىلمىسقا جانە قۇقىق بۇزۋشىلىققا قارسى اتقارعان جۇمىستارى تۋرالى سلايدپەن بايانداما جاسادى. باياندامادا اكىمشىلىك قۇقىق بۇزۋشىلىقتىڭ، ونىڭ ىشىندە كامەلەتكە تولماعانداردىڭ اراسىنداعى قۇقىق بۇزۋشىلىق پروفيلاكتيكاسى، وتباسىلىق، تۇرمىستىق زورلىق-زومبىلىقتىڭ، ۇرلىق سىندى قىلمىستاردىڭ الدىن الۋ تاقىرىبىندا قۇزىرلى ورگاندارىمەن جانە ءدىني بىرلەستىكتەرمەن وتكىزىلگەن كەزدەسۋلەرىندە ايتتى.
كيەلىتاس اۋىلدىق وكرۋگىنىڭ اكىمى پولات تورەبەكوۆ قازاقستان رەسپۋبليكاسىنىڭ 2015-2025 جىلدارعا ارنالعان سىبايلاس جەمقورلىققا قارسى ستراتەگياسىن ىسكە اسىرۋ جانە كولەڭكەلى ەكونوميكاعا قارسى ءىس-قيمىل جونىندەگى اۋدان اكىمدىگىنىڭ 03.08.2015 جىلعى №551 قاۋلىسىنا سايكەس 2015-2017 جىلدارعا ارنالعان ءىس-شارالار جوسپارى جانە اۋدان اكىمدىگىنىڭ 29.08.2018 جىلعى №535 قاۋلىسىنا سايكەس 2018-2020 جىلدارعا ارنالعان ءىس-شارالار جوسپارىنىڭ 2018 جىلدىڭ 9-ايىندا اتقارىلعان جۇمىستارى تۋرالى سلايدپەن بايانداما جاسادى.
ءار بايانداما سوڭىندا، بايانداماشىلار ءوز تاجىريبەلەرىمەن ءبولىسىپ، قويىلعان سۇراقتارعا جاۋاپ بەردى.
تولەبي اۋدانى اكىمدىگىنىڭ باسپا ءسوز قىزمەتى
