"استانا LRT" بۇرىنعى باسشىسى تالعات اردان استانا قالاسىنىڭ قىلمىستىق ىستەر جونىندەگى اۋدانارالىق سوتىنىڭ ۇكىمىن قايتا قاراۋعا شاعىم ءتۇسىردى. الايدا ونىڭ اپەللياسيالىق شاعىمى اقتالمادى، دەپ حابارلايدى Dalanews.kz.
“استانا قالاسىنىڭ قىلمىستىق ىستەر جونىندەگى اۋدانارالىق سوتىنىڭ 2024 جىلعى 11 قاراشاداعى ۇكىمىمەن اردان ت. اۋىر سالدارعا الىپ كەلگەن قىزمەتتiك وكiلەتتiكتەرiن قىزمەت مۇددەلەرiنە قايشى پايدالانۋ فاكتىسى بويىنشا (قك 361-بابى 4-بولىگىنىڭ 3) تارماعى) بويىنشا كىنالى دەپ تانىلدى (سىرتتاي). اردان ت. بۇرىن 2023 جىلعى 3 مامىرداعى ۇكىممەن قك 189-بابى 4-بولىگىنىڭ 2) تارماعى بويىنشا 7 جىلعا باس بوستاندىعىنان ايىرىلعان، قىلمىستىق قۇقىق بۇزۋشىلىقتار جيىنتىعى بويىنشا مەملەكەتتىك قىزمەتتە جانە كۆازيمەملەكەتتىك سەكتور سۋبەكتىلەرىندە قىزمەت اتقارۋ قۇقىعىنان ءومىر بويىنا ايىرىلا وتىرىپ، تۇپكىلىكتى 9 جىلعا باس بوستاندىعىنان ايىرىلعان”، — دەلىنگەن حابارلامادا.
ونىڭ “استانا LRT” ج ش س باسقارما ءتوراعاسى قىزمەتىن اتقارا وتىرىپ، ياعني مەملەكەتتىك فۋنكسيالاردى ورىنداۋعا ۋاكىلەتتىك بەرىلگەن ادامدارعا تەڭەستىرىلگەن تۇلعا بولا وتىرىپ، LRT قۇرىلىسى جونىندەگى جوبانى ىسكە اسىرۋدى بۇزعانىن، ناتيجەسىندە بۇرىن قىتايدىڭ مەملەكەتتىك دامۋ بانكىنەن الىنعان 257،6 ملن دوللارىن، ياعني 85،9 ملرد تەڭگەگە بالامالى (قرۇب 2016 جىلعى جەلتوقسانداعى ۆاليۋتالاردىڭ رەسمي باعامىنا سايكەس) “استانا LRT” ج ش س قايتارماعان جانە ول تيىسىنشە نىسانالى ماقساتى بويىنشا پايدالانىلماعان.
“وسىلايشا اردان ت. قىزمەت مۇددەلەرىنە قايشى، لاۋازىمدىق وكىلەتتىكتەرىن اسىرا پايدالانىپ، ناتيجەسىندە ونىڭ زاڭسىز ارەكەتتەرى “City transportation systems” جشس-نە اسا ءىرى مولشەردە، ياعني 85،9 ملرد تەڭگە سوماعا ماتەريالدىق زالال كەلتىرۋ تۇرىندەگى اۋىر زارداپتارعا اكەپ سوقتىردى”، — دەلىنگەن سوت حابارلاماسىندا.
سوت ۇكىمىمەن كەلىسپەگەن سوتتالۋشىنىڭ ادۆوكاتى اپەللياسيالىق شاعىم ءتۇسىرىپ، ونى اقتاۋدى سۇرادى.
الايدا استانا قالالىق سوتىنىڭ قىلمىستىق ىستەر جونىندەگى سوت القاسىنىڭ 2024 جىلعى 25 جەلتوقسانداعى قاۋلىسىمەن سوت ۇكىمى وزگەرىسسىز قالىپ، اپەللياسيالىق شاعىم قاناعاتتاندىرىلمادى.
“ويتكەنى سوتتالعاننىڭ كىناسى جابىرلەنۋشى وكىلىنىڭ، كۋاگەرلەردىڭ ايعاقتارىمەن، ساراپتامالاردىڭ قورىتىندىلارىمەن جانە باسقا دا ماتەريالدارمەن دالەلدەندى. سوت اكتىسى زاڭدى كۇشىنە ەندى”، — دەدى سوت وكىلدەرى.
ەسكە سالايىق، بۇعان دەيىن استانا LRT جشس-نىڭ بۇرىنعى باسقارما ءتوراعاسى تالعات اردانعا قاتىستى ۇكىم شىققان ەدى. بۇل تۋرالى Dalanews.kz Tengrinews.kz-كە سىلتەپ حابارلادى.
سوتتالۋشىعا حالىقارالىق ىزدەۋ جاريالانعان، سوندىقتان ونىڭ قاتىسۋىنسىز سىرتتاي قارالدى.
2016 جىلعى 22 جەلتوقساندا LRT جشس-نىڭ بۇرىنعى باسقارما ءتوراعاسى تالعات اردان قىزمەتتىڭ مۇددەلەرىنە قايشى لاۋازىمدىق وكىلەتىن تەرىس پايدالانىپ، ناقتى قاجەتتىلىكسىز LRT قۇرىلىس جوباسى بويىنشا قىتايدىڭ مەملەكەتتىك دامۋ بانكىنەن سىرتقى قارىزدىڭ ءبىرىنشى ترانشى رەتىندە 257،6 ميلليون اقش دوللارىن زاڭسىز سۇراتقان. قاراجات تۇسكەن ساتتەن باستاپ ولار جوبا بويىنشا پايدالانىلماعان.
2018 جىلعى 26 قاراشادا الماتى قالاسىنىڭ مامانداندىرىلعان اۋدانارالىق ەكونوميكالىق سوتىنىڭ شەشىمىمەن بانكتىڭ قىزمەتى ءماجبۇرلى تۇردە توقتاتىلدى. وسىلايشا، بۇل جوبانى ىسكە اسىرۋ بۇزىلدى، قمدب-نەن الىنعان قارىز قاراجاتى جشس-عا قايتارىلمادى جانە اقشالاي قاراجات نىسانالى ماقساتى بويىنشا پايدالانىلماي، City transportation systems جشس-نا 85 ميلليارد تەڭگەدەن استام شىعىن كەلتىرگەندىكتەن، ونىڭ ارەكەتتەرى اۋىر سالدارعا الىپ كەلدى.
سونداي-اق ا. بۇرىن استانا قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنىڭ 03.05.2023 جىلعى ۇكىمىمەن اسا ءىرى مولشەرىندە بيۋدجەت قاراجاتىن تالان-تاراجعا سالعانى ءۇشىن (قك 189-بابى 4-بولىگىنىڭ 2-تارماعى) سىرتتاي مەملەكەتتىك قىزمەتتە قىزمەت اتقارۋ قۇقىعىنان ءومىر بويىنا ايىرىلا وتىرىپ، 7 جىلعا باس بوستاندىعىنان ايىرىلدى.
"سوت ۇكىمىمەن اردان قك 361-بابى 4-بولىگىنىڭ 3-تارماعى بويىنشا كىنالى دەپ تانىلىپ، 4 جىل 8 ايعا باس بوستاندىعىنان ايىرىلدى جانە قك 58-بابىنىڭ 6-بولىگى قولدانىلىپ، سوتتىڭ 03.05.2023 جىلعى ۇكىمى بويىنشا تاعايىندالعان جازانى ءىشىنارا قوسۋ ارقىلى تۇپكىلىكتى مەملەكەتتىك قىزمەتتە قىزمەت اتقارۋ قۇقىعىنان ءومىر بويىنا ايىرا وتىرىپ، 9 جىلعا باس بوستاندىعىنان ايىرۋ جازاسى تاعايىندالدى. سونىمەن قاتار ارداننان City transportation systems جشس-نىڭ پايداسىنا 85 ميلليارد تەڭگەدەن استام ماتەريالدىق شىعىن ءوندىرىلدى"، - دەپ جازىلعان سوتتىڭ باسپا ءسوز قىزمەتى تاراتقان حابارلامادا.
ءىس بويىنشا ج ش س العان مەملەكەتتىك قارىز، شارت بويىنشا باقىلاۋ جۇزەگە اسىرىلماعاندىقتان، ق ر قارجى مينيسترلىگى تاراپىنان لاۋازىمدى تۇلعالاردىڭ نەمقۇرايلى فاكتىسى بويىنشا پروكۋروردىڭ اتىنا جەكەشە قاۋلى شىعارىلدى.
