جەمقورلىققا قارسى كۇرەس جونىندەگى ۇلتتىق بيۋرو ءابليازوۆتىڭ ارتىنان ەندى ونىڭ قۇداسى حراپۋنوۆتى دا استاناعا اقپارات قۇرالدارى ارقىلى تەرگەۋگە شاقىردى. شۆەيساريادا شالقىپ ءومىر ءسۇرىپ جاتقان الماتىنىڭ بۇرىنعى اكىمى الداعى اپتانىڭ سەيسەنبىسىنە دەيىن تەرگەۋگە كەلۋ كەرەك.



جەمقورلىقپەن كۇرەس ۇلتتىق بيۋروسىنىڭ مالىمەتىنشە، تەرگەۋ بارىسىندا حراپۋنوۆتارعا قارسى ايتارلىقتاي دالەلدەر تاپقان. ولار ۆيكتور مەن ءلايلا حراپۋنوۆتار، اييار ءىلياسوۆ جانە ولارمەن بايلانىسقان باسقا ادامداردىڭ قىلمىستارىن ايعاقتايدى ەكەن. ولار ۇيىمداسقان قىلمىستىق توپتى قۇرۋ، قىزمەتىن اسىرا پايدالانۋ، مەملەكەتتىك مۇلىك پەن بيۋدجەت قاراجاتىن جىمقىرۋ، مەملەكەت مۇلكىن زاڭداستىرۋ سىندى بىرنەشە قىلمىستار بويىنشا ايىپتالىپ وتىر.

ءىس ماتەريالدارىنا سايكەس، مەملەكەتكە كەلتىرىلگەن شىعىن 300 ميلليون دوللاردى قۇرايدى. قاشقىن اكىم ءقازىر ەلدەن جىراق بولعاندىقتان، تەرگەۋگە شاقىرۋ رەسپۋبليكالىق جانە شۆەيسارياداعى حراپۋنوۆتار تۇراتىن اۋماقتىڭ جەرگىلىكتى اقپارات قۇرالدارىندا جاريالانعان. ايتا كەتسەك، بيۋرو مۇنىڭ الدىندا تاعى ءبىر قاشقىن وليگارح مۇحتار ءابليازوۆتى دا وسىلاي شاقىرتقان بولاتىن. ءبىراق ونىڭ تەرگەۋشىلەرگە توبە كورسەتپەگەنىن ءبارى بىلەدى.

دەرەككوزى: كتك ارناسى

 

https://dalanews.kz/13748