Jemqorlyqqa qarsy kúres jónindegi ulttyq búro Áblázovtyń artynan endi onyń qudasy Hrapýnovty da Astanaǵa aqparat quraldary arqyly tergeýge shaqyrdy. Shveısarıada shalqyp ómir súrip jatqan Almatynyń burynǵy ákimi aldaǵy aptanyń seısenbisine deıin tergeýge kelý kerek.



Jemqorlyqpen kúres ulttyq búrosynyń málimetinshe, tergeý barysynda Hrapýnovtarǵa qarsy aıtarlyqtaı dálelder tapqan. Olar Vıktor men Láıla Hrapýnovtar, Aııar İlıasov jáne olarmen baılanysqan basqa adamdardyń qylmystaryn aıǵaqtaıdy eken. Olar uıymdasqan qylmystyq topty qurý, qyzmetin asyra paıdalaný, memlekettik múlik pen búdjet qarajatyn jymqyrý, memleket múlkin zańdastyrý syndy birneshe qylmystar boıynsha aıyptalyp otyr.

İs materıaldaryna sáıkes, memleketke keltirilgen shyǵyn 300 mıllıon dollardy quraıdy. Qashqyn ákim qazir elden jyraq bolǵandyqtan, tergeýge shaqyrý respýblıkalyq jáne Shveısarıadaǵy Hrapýnovtar turatyn aýmaqtyń jergilikti aqparat quraldarynda jarıalanǵan. Aıta ketsek, búro munyń aldynda taǵy bir qashqyn olıgarh Muhtar Áblázovty da osylaı shaqyrtqan bolatyn. Biraq onyń tergeýshilerge tóbe kórsetpegenin bári biledi.

Derekkózi: KTK arnasy

 

https://dalanews.kz/13748