تاراز – ءتول تاريحىن، وتكەنى مەن بۇگىنىن، كيەلىسىن ساقتاي وتىرىپ، تاريح قويناۋىنان بىزگە جەتكەن ەجەلگى قالا. وسىنداي كونە تاراز شاھارىمىزدىڭ باستى كوشەلەرىندە بوي تۇزەپ، قالامىزدىڭ ءسانىن كەلتىرگەن قالا كۇنىنە وراي «جەلتوقسان تولقىنى» سۋبۇرقاعى مەن اللەياسىنىڭ سالتاناتتى اشىلۋى ءوتتى. 

«جەلتوقسان تولقىنى» سۋبۇرقاعىنىڭ ۇزىندىعى – 220 مەتر. العاشقى تولقىنى 86 دەگەن قاستەرلى ساننان باستالادى. سۋبۇرقاقتىڭ 2 جاعىندا پىراقتىڭ، بارىستىڭ جانە سامۇرىقتىڭ مۇسىندەرى  ورنالاسقان.تولقىندار سۋبۇرقاقتىڭ سوڭىنا جەتىپ، كەرى قايتقاندا تاۋەلسىزدىكتى بەلگىلەيتىن  كۇن مەن بۇركىتتىڭ بەينەسىنە اينالىپ، ەگەمەندىككە ۇلاسىپ وتىر.

سۋبۇرقاق اق ءمار-مار تاستان جاسالعان. سونداي-اق، مۇنداي ەڭ ۇزىن، ءتۇرلى ءتۇستى، ءارى اسەم سۋبۇرقاق ەلىمىزدە العاش پايدا بولدى.

سالتاناتتى شارا ودان ارى ساياباقتاعى بالالار الاڭشاسىندا وتەتىن مەرەكەلىك كونسەرتپەن جالعاسىن تابادى. سونىمەن قاتار، اتالعان اۋماقتا قالانىڭ كوركەيىپ، وسۋىنە ۇلەس قوسقان ءبىرقاتار ازاماتتاردى ماراپاتتاۋ ءراسىمى وتەدى دەپ جوسپارلانۋدا. بۇدان بولەك، «پالاۋ فەستيۆالى»، ەتنو-مادەني ورتالىقتاردىڭ كورمە-جارمەڭكەسى وتۋدە.

 

08 ينفو