اتاپ ايتار بولساق، ۆەلوجۇرۋ بارلىق جارىستىڭ ءۇش كەزەڭىنىڭ ەكىنشىسى بولىپ تابىلادى. بۇعان دەيىن قاتىسۋشىلار 5 شاقىرىم جۇگىرىپ ءوتتى. سوڭعى كەزەڭدە – قايتادان 5-شاقىرىمدىق قاشىقتىققا جۇگىرۋ.
قاشىقتىق بويى كارىم ءماسىموۆ جاقسى دەنە دايىندىعىن كورسەتىپ، كوشباسشى توپتاردىڭ بىرىندە كەلەدى.
مينيسترلەر كابينەتىنىڭ باسشىسى ەكىنشى كەزەڭدى اياقتاعان كەزدە كەيبىر قاتىسۋشىلار ءالى ءبىرىنشى كەزەڭدى اياقتاماعان بولاتىن. الايدا، مارافوندى اياقتاپ قويعاندار دا بار. ولاردىڭ ىشىندە: «قازاقستاننىڭ دامۋ بانكى» اق باسقارما ءتوراعاسى بولات جامىشيەۆ.
ەستەرىڭىزگە سالساق، 26 ماۋسىمدا ەلوردا كۇنىن مەرەكەلەۋگە ارناپ استانادا ەكىنشى رەت دۋاتلوننان اشىق قالا ءتۋرنيرى ءوتىپ جاتىر. بيىل جارىس قاتىسۋشىلارى 25-شاقىرىمدىق قاشىقتىقتى باعىندىرادى. بۇل اراقاشىقتىق كەزدەيسوق تاڭدالعان جوق – جولدىڭ ۇزاقتىعى مەرەيتويلىق داتا - قازاقستان رەسپۋبليكاسى تاۋەلسىزدىگىنىڭ 25-جىلدىعىمەن سايكەس كەلەدى.
«استانا-دۋاتلون-2016» جارىسىنا 16 جاستان اسقان بارلىق تىلەك بىلدىرگەندەر قاتىسا الادى.
دەرەككوزى: قازاقپارات
