نازارباەۆ ۋنيۆەرسيتەتٸنٸڭ ستۋدەنتتەر بٸرلەستٸگٸ مەن كلۋبتارىنىڭ ەلەۋمەتتٸك جەلٸدەگٸ پاراقشالارىندا وسىنداي جازبالار مەن حەشتەگتەر پايدا بولدى, دەپ حابارلايدى Dalanews.kz ازاتتىققا سٸلتەپ.
Protecting Students Rights باستاماسى 2024 جىلدىڭ اياعىندا نۋ-دە جەمقورلىق بولۋى مٷمكٸن دەگەن حاباردان كەيٸن شۋ شىققان.
ونىڭ نەگٸزٸن قالاعان نازارباەۆ ۋنيۆەرسيتەتٸنٸڭ 2-كۋرس ستۋدەنتٸ تەمٸرلان قازاقستاننىڭ جوعارى وقۋ ورىندارىندا ستۋدەنت قۇقىعىن بۇزۋ دەرەگٸن انىقتاپ, قۇجاتتاۋدى ماقسات تۇتاتىنىن ايتادى. ونىڭ ٸشٸندە حاراسسمەنت, كەمسٸتۋ, ساياسي ٸس-شارالارعا قاتىسۋعا مەجبٷرلەۋمەن قاتار, ۋنيۆەرسيتەتتەر مەن ستۋدەنتتەر جاتاقحاناسىندا تيٸستٸ ينفراقۇرىلىمنىڭ بولماۋى بار.
دەگەنمەن قازٸر بەلسەندٸلەردٸڭ بار نازارى قارجىلىق تارتىس تٶڭٸرەگٸندە.
Protecting Students Rights مٷشەلەرٸ "جەتپٸس ٷش ميلليارد تەڭگە. NU ستۋدەنتتەرٸ جەمقورلىققا قارسى" دەگەن جارييالانىمدا وقۋ ورنىنان حاتتاعى ايىپتاۋعا جاۋاپ بەرۋدٸ, اۋديتورلىق ەسەپتٸ تولىق جارييالاۋدى, قارجىلىق زاڭسىزدىققا جول بەرگەندەردٸ جاۋاپقا تارتۋدى تالاپ ەتتٸ.
وسىدان كەيٸن تەمٸرلانعا بٸرەۋ بەلگٸسٸز نٶمٸردەن قوڭىراۋ شالىپتى.
– مۇنداي بولادى دەپ كٷتكەن جوقپىن. تۇتقانى كٶتەردٸم. "بەلە ٸزدەمەي, تىنىش جٷر" دەپ ەسكەرتتٸ دە, قويا سالدى. ناقتى بٸر ادامداردىڭ اتى-جٶنٸن اتايتىنداي قولىمدا دەلەل جوق. ەيتسە دە, مۇنداي تٷسٸنٸكسٸز نەرسە جەمقورلىق تۋرالى جازبالاردان كەيٸن باستالدى, – دەدٸ ستۋدەنت.
ايتۋىنا قاراعاندا, باسقا ستۋدەنتتەرگە دە وسىنداي حابار كەلگەن, الايدا ولار جۋرناليستەرمەن سٶيلەسكٸسٸ كەلمەدٸ. تەمٸرلان رەداكتسييا قىزمەتكەرلەرٸنە Telegram جەلٸسٸندەگٸ انونيم اككاۋنتتاردان ۋنيۆەرسيتەتتەگٸ جەمقورلىق تۋرالى ايتا باستاعان ستۋدەنتتەرگە جٸبەرٸلدٸ دەگەن حابارلامالاردىڭ سكرينشوتتارىن تابىس ەتتٸ. وندا: "باستارىڭا بەلە ٸزدەمەي, تىنىش جٷرٸڭدەر", – دەپ جازىلعان.
Telegram جەلٸسٸندەگٸ نازارباەۆ ۋنيۆەرسيتەتٸ ستۋدەنتتەرٸنٸڭ تىنىس-تٸرشٸلٸگٸ تۋرالى جازاتىن NU York Times ارناسىنىڭ اۆتورلارى "كاتسۋدىڭ حاتى" مەن وعان ۋنيۆەرسيتەت باسشىلىعىنىڭ كٶزقاراسى تۋرالى جان-جاقتى جازدى. جەلتوقسان ايىنىڭ اياعىندا NU York Times ادميندەرٸ Telegram ارنانى ساتۋ جەنە قوعامدىق جۇمىستان باس تارتۋ تۋرالى ۇسىنىس تٷسكەنٸن مەلٸمدەدٸ. ارنا اۆتورلارى مۇنى "ٷنٸن ٶشٸرۋ" ەرەكەتٸ دەپ باعالايدى. ال قاڭتار ايىندا ارناعا بوتتار شابۋىل جاساعان. "مۇندايدى ەدەتتە جاعىمسىز جازبالار جارييالايتىن جاڭالىق ارنالارىنا جاسايدى", – دەپ جازدى پابليك. NU York Times ارناسىنىڭ ادميندەرٸ دە سۇحبات بەرۋگە قۇلىق تانىتپادى.
