باتىس قازاقستان وبلىسىنىڭ اقساي قالاسىنداعى قۇلاعالى تۇرعان جاتاقحانا تۇرعىندارى 4 قازان كٷنٸ وبلىستىق ەكٸمدٸك عيماراتى الدىنا جينالدى. حالىق اۋدان بيلٸگٸ ۇسىنعان ۋاقىتشا باسپانانىڭ ناشارلىعىنا نارازىلىق بٸلدٸرٸپ, بٶلمەلەرٸن جەكەشەلەندٸرۋگە رۇقسات بەرۋٸن سۇرادى.
ولار ٶرت قاۋٸپسٸزدٸگٸ مەن تازالىق ەرەجەلەرٸنە ساي ەمەس عيماراتتى تاستاپ كەتپەي وتىر.
باستاماشىل توپ ٶكٸلدەرٸمەن وبلىس ەكٸمٸنٸڭ ورىنباسارى مارات توقجانوۆ كەزدەسٸپ, جاتاقحانا تۇرعىندارىنا "ەشكٸم دالادا قالمايدى" دەگەن ۋەدە بەردٸ. بٸراق ەكٸمنٸڭ ورىنباسارى تۇرعىنداردىڭ بەرٸ "مەملەكەتتەن باسپانا الا المايتىنىن" ەسكەرتتٸ.
باستاماشىل توپ پٸكٸرٸ ەكٸگە جارىلدى. ولاردىڭ بٸر بٶلٸگٸ جاتاقحانادان قۋماۋىن سۇراسا, قالعاندارى ۋاقىتشا باسپانادا تۇرۋعا كەلٸستٸ, بٸراق تۇرعىندار ۆاحتالى اقساي قالاشىعىنداعى بيلٸك ۇسىنعان باسپاناعا كٶڭٸلدەرٸ تولمايدى.
بيلٸك ٶكٸلدەرٸنٸڭ ايتۋىنشا, جاتاقحانا كەز كەلگەن ۋاقىتتا قۇلاپ تٷسۋٸ مٷمكٸن. قازٸرگٸ تاڭدا بۇل عيماراتتا 76 وتباسى - شامامەن 200-دەي ادام تۇرىپ جاتىر, ولاردىڭ 67-ٸ وسى جاتاقحانادا تٸركەلگەن.
