ەرتەڭ «استانا جاستارى» جرو جۇمىس ىزدەپ جۇرگەن جوو تۇلەكتەرى مەن ەلوردا جاستارى ءۇشىن بوس جۇمىس ورىندارى جارمەڭكەسىن ۇيىمداستىرادى.

مەملەكەت باسشىسى ءوز سوزىندە جاستاردى قولداۋ، ولاردىڭ جۇمىسقا ورنالاسۋىنا جاردەمدەسۋ قاجەت ەكەنىن بىرنەشە رەت اتاپ وتكەن بولاتىن.

2022 جىل باسىنان قازىرگى ۋاقىتقا دەيىن استانا قالاسى اكىمدىگىنىڭ «استانا جاستارى» جرو» كمم ءتورت بوس جۇمىس ورىندار جارمەڭكەسىن وتكىزگەن بولاتىن، وعان ەلوردانىڭ 160-تان استام جۇمىس بەرۋشى، 2400-دەن استام جاستار مەن ستۋدەنتتەر قاتىستى جانە 1800-دەن استام بوس جۇمىس ورنى ۇسىنىلدى، ونىڭ بارىسىندا 250-گە جۋىق ادام جۇمىسقا ورنالاستىرىلدى.

بوس جۇمىس ورىندارى جارمەڭكەسىنە قاتىسۋعا 20-دان استام ءىرى جۇمىس بەرۋشى ءوتىنىم بەردى، ونىڭ ىشىندە ق ر اقپارات جانە قوعامدىق دامۋ مينيسترلىگى «تالداۋ جانە اقپارات ورتالىعى» شجق رمك، «استانا وپەرا» مەملەكەتتىك وپەرا جانە بالەت تەاترى» كوممەرسيالىق ەمەس اكسيونەرلىك قوعامى، «باسقارۋشى كومپانيا «قازمەديا ورتالىعى» ج ش س، «Arena S» (ارەنا S)، Sulpak ج ش س، «DESIDERIO» ج ش س، «قازپوشتا» اق «استانا پوچتامت» اف، «كازاحتەلەكوم» اق، «استاناەنەرگوسبىت» ج ش س سىندى مەمكەمەلەر باو.

بوس جۇمىس ورىندار جارمەڭكەسى بارىسىندا جۇمىس بەرۋشىلەر ءوز كومپانيالارىنىڭ پرەزەنتاسياسىن وتكىزىپ، بوس ۆاكانسيالارىن ۇسىنىپ، وزدەرىنە دەگەن ەڭ قولايلى كانديداتتاردىڭ بازاسىن قالىپتاستىرادى. جۇمىس ىزدەۋشىلەر، ءوز كەزەگىندە كومپانيالاردىڭ HR-مەنەدجەرلەرىمەن تىلدەسىپ، سۇحباتتاسۋدان ءوتىپ، ءوزىن قىزىقتىرعان سۇراقتارىن قويا الادى.