ءماجىلىس دەپۋتاتتىعىنا پارتيا ءتىزىمى بويىنشا ۇمىتكەر تالعات وماروۆ كەزدەسۋگە جينالعانداردى سوسيال-دەموكراتتاردىڭ قاراپايىم ازاماتتاردىڭ مۇددەلەرىن قورعاۋعا ارنالعان باعدارلاماسىمەن تانىستىردى.
ۇمىتكەر ستراتەگيالىق ماڭىزدى سالالار تۋرالى ويلارىن ايتتى، پارتيانىڭ سايلاۋالدى باعدارلاماسىندا جازىلعان جەر قويناۋىن پايدالانۋعا قاتىستى كەلىسىمشارتتار تەك قازاقستان اۋماعىندا جاسالىپ، بارلىق تولەمدەر تەك وتاندىق رەزيدەنت بانكتەر ارقىلى جۇرگىزىلۋى ءتيىس دەگەن تالاپتاردى ءتۇسىندىردى.
سونىمەن قاتار وزدەرىنىڭ سايلاۋالدى باعدارلاماسىندا جالپىۇلتتىق سوسيال-دەموكراتيالىق پارتيا (جسدپ) بارلىق قازاقستاندىقتار ءۇشىن تەگىن جوعارى ءبىلىم ەنگىزۋدى ۇسىنادى.
پارتيا وكىلدەرى وسىلايشا بىلىكتى مامانداردىڭ، اسىرەسە جاستاردىڭ شەتەلگە كەتۋىنە توسقاۋىل قويىپ، مامان تاپشىلىعىنا قاتىستى ماسەلەنى شەشۋگە بولادى دەپ سەنەدى.
