تۇركىستان وبلىسى اۋماعىندا بالالاردىڭ جازعى دەمالىسىن پايدالى ءارى قىزىقتى وتكىزۋ ماقساتىندا جازعى لاگەرلەر قىزمەت كورسەتۋدە. وسى ورايدا، سارىاعاشتا تاعى ءبىر جازعى لاگەر بالالار ءۇشىن ەسىگىن ايقارا اشتى، – دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.
«بالداۋرەن» جازعى ساۋىقتىرۋ لاگەرىنىڭ ماۋسىمدىق اشىلۋ سالتاناتىنا قاتىسقان اۋدان اكىمى ارمان ابدۋللايەۆ بالالارعا جازعى دەمالىستى قىزىقتى وتكىزۋىنە تىلىكتەستىگىن ءبىلدىردى.
– «بالداۋرەن» بالالاردى ساۋىقتىرۋ ورتالىعىنىڭ ماۋسىمدىق اشىلۋى قۇتتى بولسىن! بالالار – ءبىزدىڭ بولاشاعىمىز، ەرتەڭىمىز. ەلدىگىمىزدىڭ تىرەگى دە وسى جاستاردىڭ اراسىندا ءوسىپ كەلەدى. ءبىز، ەڭ الدىمەن، بۇلدىرشىندەردىڭ بالالىق شاعىنىڭ باقىتتى وتۋىنە مۇمكىندىك جاساۋىمىز كەرەك. ءقادىرلى بالالار! سەندەردىڭ جاقسى ءبىلىم الىپ، جاقسى دەمالىس وتكىزۋلەرىڭ ءۇشىن بارلىق جاعداي جاساپ جاتىرمىز. سەندەر تەك مەكتەپتە وزات قانا ەمەس، اتا-انالارىڭنىڭ، ەلدىڭ ماقتانىشى بولۋلارىڭ كەرەك. مەن سەندەرگە سەنەمىن! جاقسى دەمالىس بولسىن! – دەدى اۋدان باسشىسى.
سالتاناتتى شارا ەلىمىزدىڭ انۇرانىمەن باستالدى. بالالار ءان ايتىپ، بي بيلەپ، ءوز ونەرلەرىن كورسەتتى.
ايتا كەتەيىك، اۋدان بويىنشا جازعى لاگەرلەرگە 2100-عا جۋىق بالاعا جولداما بەرۋ جوسپارلانۋدا. ونىڭ ىشىندە، از قامتاماسىز ەتىلگەن وتباسىنان 1160، كوپبالالى وتباسىنان 800، تۇل جەتىم – 40، جارتىلاي جەتىم – 50، ۇزدىك 150 وقۋشى بار. جازعى ماۋسىمدىق دەمالۋ ۇزاقتىعى – 10 كۇن. 11 ماۋسىمىنان باستاپ 23 تامىزعا دەيىن 7 اۋىسىمدى دەمالىس جوسپارلانۋدا. اتالعان ورتالىقتا بالالار ءىس-شارا جوسپارىنا سايكەس دەمالادى. تاڭەرتەڭ تاڭعى جاتتىعۋدان باستالىپ، كۇنى بويى ءتۇرلى ۇيىرمەلەر، بايقاۋلار، سپورتتىق جارىستار، ويىندار مەن بي كەشتەرى ۇيىمداستىرىلادى. سونداي-اق، دەمالۋشىلار 5 مەزگىل ىستىق تاماقپەن قامتىلادى.
