ارنايى جانە ينكليۋزيۆتى ءبىلىم بەرۋدى دامىتۋدىڭ ۇلتتىق عىلىمي-پراكتيكالىق ورتالىعىنىڭ ديرەكتورى بۇتابايەۆا لاۋرا اسقار قىزى پرەزيدەنتتىڭ جولداۋىندا كوتەرىلگەن جاساندى ينتەللەكت پەن سيفرلىق تەحنولوگيالاردىڭ ەڭبەك نارىعىنا اسەرى جايلى پىكىر ءبىلدىردى،- دەپ حابارلايدى Dalanews.kz
"بۇگىن مەملەكەت باسشىسى قاسىم-جومارت توقايەۆ «جاساندى ينتەللەكت داۋىرىندەگى قازاقستان: وزەكتى ماسەلەلەر جانە ونى تۇبەگەيلى سيفرلىق وزگەرىستەر ارقىلى شەشۋ» اتتى قازاقستان حالقىنا جولداۋىندا قازىرگى زاماندا سيفرلىق تەحنولوگيالار مەن جاساندى ينتەللەكت ەڭبەك نارىعىن تۇبەگەيلى وزگەرتىپ جاتقانىن اتاپ ءوتتى. وسىعان وراي ءبىلىم بەرۋ جۇيەسى دە جاڭا تالاپتارعا بەيىمدەلۋى ءتيىس. بۇل — ۋاقىت تالابى مەن بولاشاققا باعدارلانعان ناقتى قادام.
ارنايى جانە ينكليۋزيۆتى ءبىلىم بەرۋدى دامىتۋدىڭ ۇلتتىق عىلىمي-پراكتيكالىق ورتالىعى ءۇشىن بۇل – ەرەكشە جاۋاپكەرشىلىك. سەبەبى ينكليۋزيۆتى ورتاداعى ءاربىر بالا جاڭا تەحنولوگيالارعا ەرتە جاستان قول جەتكىزىپ، زاماناۋي قۇزىرەتتەردى مەڭگەرۋگە قۇقىلى. وسى تۇرعىدان العاندا، جاساندى ينتەللەكت نەگىزدەرى بويىنشا ارنايى وقۋ باعدارلامالارىن ازىرلەۋ، ەرەكشە ءبىلىم بەرۋ قاجەتتىلىگى بار بالالارعا ارنالعان كونتەنتتى بەيىمدەۋ، مۇعالىمدەردىڭ سيفرلىق داعدىلارىن دامىتۋ جانە اتا-انالارعا ادىستەمەلىك قولداۋ كورسەتۋ باستى مىندەتتەردىڭ قاتارىندا.
«Qazaq Digital Mektebi» جوباسى – اۋىلدىق جانە شاعىن جيناقتى مەكتەپ وقۋشىلارىنا ساپالى بىلىمگە تەڭ قولجەتىمدىلىك بەرەتىن ماڭىزدى باستاما. بۇل جوبا ەرەكشە ءبىلىم بەرۋ قاجەتتىلىگى بار بالالار ءۇشىن دە جاڭا مۇمكىندىكتەر اشادى. وقىتۋ كونتەنتىن ينكليۋزيا تالاپتارىنا بەيىمدەۋ، سيفرلىق قولجەتىمدىلىكتى قامتاماسىز ەتۋ جانە جاساندى ينتەللەكت مۇمكىندىكتەرىن پايدالانۋ ارقىلى ءبىلىم بەرۋ ساپاسىن ارتتىرۋ كوزدەلۋدە.
مەملەكەت باسشىسى كوتەرگەن تاعى ءبىر ماڭىزدى باعىت – كاسىپكەرلەردى بالالاردى دامىتۋ ورتالىقتارىن اشۋعا تارتۋ. بۇل قوعامنىڭ الەۋمەتتىك جاۋاپكەرشىلىگىن ارتتىرىپ قانا قويماي، ءبىلىم بەرۋ ينفراقۇرىلىمىن دامىتۋعا جانە سيفرلاندىرۋعا جاڭا سەرپىن بەرەدى.
ءبىزدىڭ ورتالىق بۇل باستامالاردى تولىق قولدايدى. سونىمەن بىرگە ارنايى جانە ينكليۋزيۆتى ءبىلىم بەرۋ قاجەتتىلىكتەرىن ەسكەرەتىن وقۋ-ادىستەمەلىك قۇرالدار ازىرلەۋدى، قولجەتىمدى سيفرلىق ورتا قالىپتاستىرۋدى جانە مۇعالىمدەردىڭ كاسىبي دامۋىنا ۇلەس قوسۋدى جالعاستىرادى.
جاساندى ينتەللەكتىمەن جۇمىس ىستەۋ قۇزىرەتىن مەكتەپ قابىرعاسىنان قالىپتاستىرۋ – وسكەلەڭ ۇرپاققا تەڭ مۇمكىندىك بەرەتىن، ادامي كاپيتالدى دامىتاتىن جانە ەلىمىزدىڭ جارقىن بولاشاعىنا سالىنعان ينۆەستيسيا بولاتىنى انىق"، - دەدى لاۋرا اسقار قىزى.
