ٸشكٸ ٸستەر مينيسترٸ,
پوليتسييا گەنەرال-لەيتەنانتى
ق.ن. قاسىموۆقا
قۇرمەتتٸ قالمۇحانبەت نۇرمۇحانبەتۇلى!
مەن 2015 جىلى تالدىقورعان قالاسىندا قحر-نىڭ ازاماتى يمانەلٸ جازيرا اتتى قىزبەن تانىسىپ, بٸر-بٸرٸمٸزدٸ ۇناتىپ, الداعى كٷندەردە وتباسىن قۇرۋعا ۋاعدالاسىپ ەدٸك.
ٶكٸنٸشكە وراي, بولاشاق جارىم يمانەلٸ جازيرا 2016 جىلى 7 ماۋسىمدا قر «ەكٸمشٸلٸك قۇقىق بۇزۋشىلىق تۋرالى» كودەكسٸنٸڭ 517 بابىنىڭ 2 بٶلٸگٸمەن كٸنەلٸ دەپ تانىلىپ, قازاقستان رەسپۋبليكاسىنىڭ شەگٸنەن ەكٸمشٸلٸك جولمەن شىعارىلىپ جٸبەرٸلدٸ.
ەڭ قيىنى, «حالىقتىڭ كٶشٸ-قونى تۋرالى» (2011 جىلعى 22 شٸلدەدەگٸ № 477-IV) زاڭىنىڭ 49-بابىنىڭ «5) قازاقستان رەسپۋبليكاسىنىڭ شەتەلدٸكتەردٸڭ قۇقىقتىق جاعدايى تۋرالى زاڭناماسىن بٸرنەشە رەت بۇزعان;» دەگەن نورماسى ەسكەرٸلمەستەن, بٸرٸنشٸ مەرتە ەكٸمشٸلٸك قۇقىق بۇزعانى ٷشٸن قازاقستان رەسپۋبليكاسىنىڭ شەگٸنەن ەكٸمشٸلٸك جولمەن شىعارىلىپ جٸبەرٸلگەنٸ بولىپ تۇر.
مٸنە, سودان بەرٸ بٸر جىل ٶتتٸ. ەندٸ تٶرت جىلى بار. سٶز بەرگەن سوڭ, جٸگٸت ادام ۋەدەسٸندە تۇرۋ كەرەك! جاقىندا قحر-عا بارىپ, يمانەلٸ جازيرامەن زاڭدى نەكەگە تۇرىپ كەلدٸم. شىنىمدى ايتسام, تٶرت جىل توسۋ مەن ٷشٸن وڭايعا سوعىپ تۇرعان جوق. بەيبٸت كٷندە ەسكٸ زاماننىڭ قاتال زاڭىنا ۇشىراعان عاشىقتاردىڭ كٷيٸن كەشۋ قيىن ەكەن, قالمۇحانبەت اعاتاي!
ونىڭ ٷستٸنە, ٷيدەگٸ ۇلدىڭ كەنجەسٸ ەدٸم. ەكەم نۇرساپا تۇرسىن ميىنا قان قۇيىلىپ, اۋىرىپ جاتىر. مەنٸڭ تويىمدى جاساپ, قىزىعىمدى كٶرٸپ كەتسەم دەپ كٷندە ارماندايدى. حالقىمىزدا «ەكٸ جاستى قوسقان العىس الادى, ەكٸ جاستى ايىرعان قارعىس الادى!» دەگەن اتالى سٶز بارىن جاقسى بٸلەسٸز.
بٷگٸن «نۇر وتان» پارتيياسى رەسپۋبليكالىق قوعامدىق قابىلداۋ بٶلمەسٸندە سٸزدٸڭ ورىنباسارىڭىز ر.ت. جاقىپوۆتىڭ قابىلداۋدا بولىپ, وسى حاتتى تاپسىردىم.
قر ٸشكٸ ٸستەر مينيسترٸ لاۋازىمىڭىزبەن, پوليتسييا گەنەرال-مايورى مەرتەبەڭٸزبەن مەنٸڭ شارۋامدى ٶز قولىڭىزعا الىپ, الىستا قالعان كەلٸنٸڭٸزدٸڭ اتاجۇرتىنا ورالۋىنا, سىڭارىنا قوسىلۋىنا كٶمەكتەسۋٸڭٸزدٸ ٶتٸنە سۇرايمىن!
سونىمەن قاتار سٸزدٸ ٶمٸردە بٸر رەت قانا بولاتىن وتباسىن قۇرۋ تويىمىزدىڭ قۇرمەتتٸ قوناعى بولۋعا شاقىرام!
تۇرسىن بٶرٸباي
