جول كارتاسىمەن بولىنگەن كۇردەلى جوندەۋ جۇمىستارىن «نۇر – شاپاعات قۇرىلىس» ج ش س اتقارىپ جاتىر. مەردىگەرلەر بۇگىنگى كۇنى نىساننىڭ ىشكى جۇمىستارىن 100 پايىزعا اياقتاعان. ەندى اۋلاسىنداعى اباتتاندىرۋ-كوگالدىندىرۋ، جارىق شامدارىن ورناتۋ شارۋالارى قالدى. توزىعى جەتكەن مەكەمە قىستا جىلىتۋ قيىنداپ، ءبىراز ماسەلە تۋىنداعان بولاتىن. كۇردەلى جوندەۋ كەزىندە مەكتەپتى جىلىتۋعا دا باسا ءمان بەرىلگەنىن ايتا كەتۋىمىز كەرەك.
– مەكتەپتى جىلىتاتىن پەشىن سىرتقا شىعاردىق. ەلەكتر جۇيەلەرى 95 پايىز جاڭاردى. ەسىك-تەرەزەلەرىدى دە تولىقتاي اۋىستىردىق. جىلۋ جۇيەسى، اۋىز سۋ جانە كارىز جۇيەسى جاسالىندى. مۇنىمەن قاتار، سەيسموكۇشەيتۋ جۇمىستارىن جۇرگىزىلگەنىن ايتا كەتۋىمىز كەرەك. قازىرگى تاڭدا جۇمىسشى كۇشى جەتكىلىكتى. جوسپار بويىنشا قاراشادا نىساندى اياقتاپ وتكىزەمىز، – دەيدى مەردىگەر مەكەمە پرورابى ايدىن جايشىبەكوۆ.
«جۇمىسپەن قامتۋدىڭ جول كارتاسىمەن» جاڭارتىلىپ جاتقان جوبا قۇنى 958 ملن تەڭگە قۇرايدى. مەردىگەرلەر قۇرىلىستى مامىردىڭ ورتاسىندا باستاعان. سودان بەرى 178 جەرگىلىكتى تۇرعىن جۇمىسقا تارتىلىپ، اۋىلداعى ەكى قولعا ءبىر كۇرەك ىزدەگەن ازاماتتار جۇمىس ىستەگەن. جۇمىسشىلاردىڭ ايلىق جالاقىسى 85 000-200 000 دەيىنگى ارالىقتا بەرىلىپىت. ءدال قازىرگى كۇنى قۇرىلىستىڭ باسىم بولىگى اياقتالعاندىقتار قۇرىلىسشىلار 45 000 جۇمىس ىستەپ جاتىر. مەكتەپتىڭ پارتا-تاقتا، كابينەتتەرى، سىنىپتار ماتەريالدىق-تەحنيكالىق بازاسى تولىعىمەن جاڭارتىلادى. بۇل ماقساتقا جوبادان بولەك، 23 ملن تەڭگە قارجى بولىنگەن.
شيرەك عاسىرلىق تاريحى بار ءبىلىم شاڭىراعى 1172 ورىنعا لايىقتالعان. شاعىن ورتالىعىمەن قوسقاندا بۇگىنگى كۇنى 750 بالا تاربيەلەيدى. پاندەميا جاعدايىنا بايلانىستى وقۋشىلار تولىعىمەن ۇيلەرىندە وقىتىلۋدا. جاڭا وقۋ جىلىندا كوپبالالى، از قامتىلعان، مۇقتاج وتباسى بالالارىنا مەكتەپ تاراپىنان 20 نوۋتبۋك-سمارتفوندار ۇلەستىرىلىپ بەرىلگەن. ايتا كەتكەن ءجون، كەلەر جىلى اۋداندا قوس مەكتەپ تابيعي گازعا قوسىلادى. جامبىل جانە حامرايەۆ ورتا مەكتەپتەرىنە كوگىلدىر وتىن جەتكىزۋ ءۇشىن بۇگىندە جوبانىڭ سمەتالىق قۇجاتتامالارى ازىرلەنۋ ۇستىندە.
پەنجىم اۋىلىنداعى جاڭا امبۋلاتوريانىڭ سالىنۋىنا «جول كارتاسى» باعدارلاماسى اياسىندا سالىنۋدا. اۋىل تۇرعىندارىنىڭ يگىلىگى ءۇشىن ىرگەتاسى قالانىپ جاتقان نىسان 50 ورىندى ققرايدى. جەتى مىڭعا جۋىق حالقى بار ەلدىمەكەندە بۇگىنگى دەيىن زامانۋي جاڭا ەمدەۋ مەكەمەسى بولماعان.
باسى اۋىرىپ، بالتىرى سىزداعان اۋىلداعى اعايىن شاعىن دارىلەرلىك امبۋلاتوريانى كەلىپ، ەم العانىن ايتا كەتۋىمىز كەرەك. ەندى مىنە كوپ ۇزاماي سۋ جاڭا كەشەنگە كەلەتىن بولادى. مۇنداعى باستى ەرەكشەلىك ىشىندەگى قوندىرعىلار، ماتەريالدىق-تەحنيكالىق بازا ءبارى جاڭا زامانعى جابدىقتارمەن قامتاماسىز ەتىلگەن. ازىرگە، 4 دارىگەر قىزمەت كورسەتەدى.
«نۇر-شاپاعات قۇرىلىس قۇرىلىس كومپانياسى 30 قاراشاعا دەيىن جۇمىستى تولىقتاي اياقتاپ، نىساندى ەلدىڭ يگىلىگىنە بەرەكشى. بۇگىنگى جالپى جۇمىستىڭ 70 پايىزى بىتكەن. امبۋلاتوريا عيماراتىنىڭ قۇرىلىسىن سالۋعا 259،2 ملن تەڭگە بولىنگەن. مۇنىمەن قوسا، اۋدانارالىق كوپسالالى اۋرۋحاناسىن اباتتاندىرۋ جۇمىستارى 52،8 ملن تەڭگەگە اتقارىلۋدا.
