ٶسكەمەننٸڭ ەكس-ەكٸمٸ جاقسىلىق ومارعا سوت ٷكٸمٸ شىقتى, دەپ حابارلايدى Dalanews.kz.
سوت ٷكٸمٸمەن شىعىس قازاقستان وبلىسى ەكٸمٸنٸڭ بٸرٸنشٸ ورىنباسارى جاقسىلىق ومار 6 جىلعا سوتتالدى.
سوت ونى الاياقتىق پەن پارا الۋ قىلمىستارى بويىنشا كٸنەلٸ دەپ تانىپ, 6 جىل مەرزٸمگە باس بوستاندىعىنان ايىرۋ جازاسىن تاعايىندادى. سونداي-اق ونىڭ مٷلكٸ (Toyota Camry اۆتوكٶلٸگٸ) تەركٸلەنٸپ, مەملەكەتتٸك قىزمەتتە لاۋازىم اتقارۋ قۇقىعىنان ٶمٸر بويىنا ايىرىلدى.
جۇما كٷنٸ ٶتكەن سوت وتىرىسىندا جاقسىلىق ومار ٶزٸنە تاعىلعان ايىپتاردى جوققا شىعارىپ, اقشا بوپسالاماعانىن مەلٸمدەدٸ.
«مەن ەشقانداي اقشا بوپسالاعان جوقپىن. سوتتان قورعاۋشىلارىم كەلتٸرگەن ۋەجدەردٸ جەڭٸلدەتەتٸن مەن-جايلار رەتٸندە قاراستىرۋدى سۇرايمىن», – دەدٸ ول.
سونداي-اق, ەكس-ەكٸم سوتتان ٶزٸن باس بوستاندىعىنان ايىرماۋدى ٶتٸنگەن بولاتىن.
ەسكە سالايىق, بۇعان دەيٸن پروكۋرور جاقسىلىق وماردى 6 جىلعا سوتتاۋدى سۇراعان بولاتىن.
