جوعارعى سوت ءتوراعاسىنىڭ بۇرىنعى كەڭەسشىسى، ەكس-سۋديا قارلىعاش تاتكەيەۆاعا ىزدەۋ جاريالاندى، دەپ حابارلايدى Dalanews.kz.
رەسمي مالىمەتكە سايكەس، قارلىعاش قۇرماش قىزى تاتكەيەۆا 2025 جىلدىڭ 20 ماۋسىمىنان بەرى ىزدەۋدە. ءىس قاراعاندى وبلىسىندا تىركەلگەن. ىزدەۋ جۇمىستارىن ق ر سىبايلاس جەمقورلىققا قارسى ءىس-قيمىل اگەنتتىگىنىڭ وبلىستىق دەپارتامەنتى جۇرگىزىپ جاتىر. بۇل دەرەك قۇقىقتىق ستاتيستيكا جانە ارنايى ەسەپكە الۋ ورگاندارىنىڭ پورتالىندا جاريالانعان.
تاتكەيەۆا جوعارعى سوتتى جاقىپ اسانوۆ باسقارعان كەزەڭدە ازاماتتىق ىستەر بويىنشا ءتوراعانىڭ كەڭەسشىسى قىزمەتىن اتقارعان. سونىمەن قاتار ول ءار جىلدارى قاراعاندى وبلىسىنىڭ مامانداندىرىلعان اۋدانارالىق ەكونوميكالىق سوتىندا جانە استانا قالاسىنىڭ سوتىندا سۋديا بولعان.
