وپپوزيتسييالىق "تريبۋنا" گازەتٸنٸڭ رەداكتورى جانبولات مامايدىڭ قاماۋداعى مەرزٸمٸن 10 ماۋسىمعا دەيٸن سوزدى. مەدەۋ اۋداندىق سوتى جابىق ٶتكەن تىڭداۋدا وسىنداي شەشٸم شىعاردى. جۋرناليست قىلمىستىق ٸس بويىنشا تاعىلعان ايىپتارمەن اقپان ايىنان بەرٸ اباقتىدا وتىر.
جانبولات مامايدى 10 اقپاندا وپپوزيتسييالىق ساياساتكەر مۇحتار ەبليازوۆتٸڭ بتا بانكتەن زاڭسىز جولمەن شىعارعان اقشالارىن زاڭداستىرۋمەن اينالىسقان دەگەن كٷدٸكپەن ۇستادى. ماماي دا, ەبليازوۆ تە بۇل ايىپتاردى جوققا شىعارىپ وتىر.
سوتقا جۋرناليستەردٸ كٸرگٸزگەن جوق. بۇعان دەيٸن بٸرقاتار حالىقارالىق ادام قۇقىعىن قورعاۋشى ۇيىمدار قازاقستان ٷكٸمەتٸنەن مامايدى تەز ارادا بوساتۋىن سۇراعان ەدٸ.
