"ادام ٶلتٸرۋ" بابى بويىنشا كٷدٸككە ٸلٸنگەن ٶمٸرجان راحمەتتٸڭ ادۆوكاتى جاندوس تۇياقوۆتىڭ سٶزٸنە قاراعاندا, قازٸرگٸ كەزدە كٷدٸكتٸنٸڭ اناسى ۇلىمەن كەزدەسە الماي وتىر.
- ولار (پوليتسييا - رەد.) ٶمٸرجاننىڭ اناسىمەن كەزدەسەمٸن دەگەن حاتى بولۋى تيٸس دەگەن. بٸز ونى تٷسٸردٸك. بٸراق ەلٸ كەزدەستٸرتپەي وتىر, - دەيدٸ جاندوس تۇياقوۆ 26 قاراشادا ازاتتىق تٸلشٸسٸنە.
وسىعان دەيٸن "جانبولات اعادٸلدٸ پىشاقتاعانىن مويىنداعان" كٷدٸكتٸ ٶمٸرجان راحمەت پوليتسييانىڭ "ٶزٸن الداپ, مويىنداتۋ ۆيدەوسىن تٷسٸرٸپ العانىن" مەلٸمدەگەن ەدٸ. ادۆوكاتى بٸرنەشە كٷن بۇرىن بۇل ۆيدەوعا بايلانىستى پروكۋراتۋراعا شاعىم تٷسٸرگەن.
- قازٸرگٸ كەزدە ٶمٸرجان راحمەتتٸڭ كٸنەسٸن تٸكەلەي دەلەلدەيتٸن ناقتى ايعاقتار جوق. كەيبٸر مەسەلەلەرگە كەلسەك, تەك ايىپتالۋشىلار سٶزٸنە عانا نەگٸزدەلگەن. "مٸنە, پىشاق سالعانىن مەن كٶردٸم, وسىلاي سالدى دەپ ايتقان بٸردە-بٸر ادام جوق" - دەدٸ جاندوس تۇياقوۆ.
ول الداعى ۋاقىتتا "تەرگەۋدەگٸ زاڭسىزدىقتارعا" بايلانىستى ارىز تٷسٸرەتٸنٸن ايتتى.
كٶكتالداعى تٶبەلەسكە بايلانىستى "بۇزاقىلىق" بابى بويىنشا كٷدٸككە ٸلٸنگەن مادييار سىدىقتىڭ ادۆوكاتى نۇرجان قانگەلديەۆ 25 قاراشادا كەشكە قاراي نۇر-سۇلتاننىڭ مامانداندىرىلعان اۋدانارالىق تەرگەۋ سوتىنا "تەرگەۋ كەزٸندەگٸ زاڭسىزدىقتار" جايلى شاعىم تٷسٸرگەن. سوت ٷش كٷن ٸشٸندە شاعىمدى قاراپ, جاۋابىن بەرۋٸ تيٸس.
- ول جەردە زاڭسىز ەرەكەتتەردٸ: پوليتسييا مەكەمەسٸنە كٸرگٸزٸپ, ادۆوكاتسىز جاۋاپ العانى, 24 ساعات تاماق بەرمەي ۇستاپ, پسيحولوگييالىق قىسىم كٶرسەتكەندٸگٸ جايلى جازىلعان. وعان "مويىنداماساڭ, تٷرمەگە قامالۋىڭ مٷمكٸن, ويلان" دەپ ايتقان. بٸراق ەندٸ بۇل دەلەلدەنگەن جوق. ەندٸ قارالادى. شاعىمدا ماديياردىڭ ٶزٸ جازدى, مەن ادۆوكاتى رەتٸندە جٸبەردٸم. ول شاعىمدا "باسىندا ەكٸ رەت جاۋاپ الدى, ٷشٸنشٸسٸندە جاۋابىمدى ٶزگەرتۋگە مەجبٷر بولدىم" دەپ كٶرسەتكەن, - دەيدٸ نۇرجان قانگەلديەۆ ازاتتىق تٸلشٸسٸنە.
ونىڭ سٶزٸنە قاراعاندا مادييار سىدىققا باستاپقىدا قورعانۋعا قۇقىعى بار كۋەگەر ستاتۋسى بەرٸلگەن, 24-ٸندە كٷدٸكتٸ ستاتۋسىنا اۋىستىرىلعان.
ماديياردىڭ سىدىقتىڭ اناسى شىنار دٷرلٸباەۆا "تەرگەۋدەگٸ زاڭسىزدىقتارعا قارسىلىق رەتٸندە" 25 قاراشادا اشتىق جارييالاپ, كەيٸننەن دەنساۋلىعىنا بايلانىستى اشتىعىن توقتاتۋعا مەجبٷر بولعان. ٶمٸرجان راحمەتتٸڭ اناسى پوليتسييانىڭ ۇلىن كٶرسەتپەي وتىرعانىنا شاعىمدانادى.
ازاتتىق تٸلشٸسٸ 26 قاراشادا نۇر-سۇلتان قالالىق پوليتسييا دەپارتامەنتٸنٸڭ باسپاسٶز قىزمەتٸنە بٸرنەشە رەت حابارلاسىپ كٶردٸ, بٸراق جاۋاپ الا المادى. ٸشكٸ ٸستەر مينيسترلٸگٸنٸڭ رەسمي ٶكٸلٸ نۇردٸلدە وراز "بارلىق سۇراقتى باسپاسٶز قىزمەتٸنە قويىڭىز" دەدٸ. ال مينيسترلٸكتٸڭ باسپاسٶز قىزمەتٸ جاۋاپ بەرمەدٸ.
11 قاراشاعا قاراعان تٷنٸ نۇر-سۇلتان ماڭىنداعى ىقشام اۋداندا ازاماتتىق بەلسەندٸ, مارقۇم دۋلات اعادٸلدٸڭ ۇلى جانبولات اعادٸل تٶبەلەس كەزٸندە پىشاق جاراقاتىن الىپ, مەرت بولعان. پوليتسييا وقيعاعا بايلانىستى "ادام ٶلتٸرۋ" جەنە "بۇزاقىلىق" بابى بويىنشا قىلمىستىق ٸس قوزعاعان.
12 قاراشادا ٸٸم "تٶبەلەسكە قاتىسقانداردىڭ بارلىعى, نەگٸزگٸ ٷش كٷدٸكتٸ دە" ۇستالدى دەپ مەلٸمدەدٸ. سول كٷنٸ ٸشكٸ ٸستەر مينيسترلٸگٸنٸڭ تەرگەۋ دەپارتامەنتٸنٸڭ باستىعى سانجار ەدٸلوۆ "ٸس بويىنشا جينالعان دەلەلدەردٸڭ كٶمەگٸمەن كٷدٸكتٸلەردٸڭ كٸنەسٸ دەلەلدەندٸ"دەپ ايتقان.
ٸٸم ٶكٸلٸ "تٶبەلەسكە قاتىسقان ٷش ادام, اراسىندا ادام ٶلتٸردٸ دەپ كٷدٸككە ٸلٸنگەنٸ دە بار, نۇر-سۇلتان قالالىق پوليتسييا دەپارتامەنتٸنٸڭ ۋاقىتشا قاماۋ يزولياتورىنا قامالدى" دەگەن ەدٸ.
تٶبەلەستٸڭ ناقتى نەدەن شىققانى ايتىلمايدى. وسىعان دەيٸن الماتى, نۇر-سۇلتان, شىمكەنت, اقتٶبە جەنە ٶزگە قالالاردا بەلسەندٸلەر جانبولات اعادٸل مەن ەكەسٸ ازاماتتىق بەلسەندٸ دۋلات اعادٸلدٸڭ ٶلٸمٸن اشىق تەرگەۋدٸ تالاپ ەتكەن.
