كوميسسيا مۇشەلەرى قالانىڭ الەۋمەتتىك-ەكونوميكالىق دامۋىنا باعىتتالعان كەشەندى دامۋ جوسپارىن نەگىزگە الا وتىرىپ، ماڭعىستاۋ وبلىسىنداعى شاعىن جانە ورتا بيزنەس سۋبەكتىلەرىنىڭ الەۋەتىن، ەڭبەك نارىعىن جان-جاقتى زەردەلەدى.
– بۇل باعىتتاعى جۇمىستار جالعاسۋدا. حالىققا ءوڭىردىڭ بارلىق تۇرعىندارىن مۇناي-گاز سالاسىنا جۇمىسقا ورنالاستىرۋ مۇمكىن ەمەستىگىن ءتۇسىنۋ قاجەت. مەن ارانداتۋشىلىققا بوي الدىرماۋعا جانە زاڭسىز ارەكەتتەر جاساماۋعا شاقىرامىن، – دەدى ماڭعىستاۋ وبلىسى اكىمىنىڭ ءبىرىنشى ورىنباسارى ابزال مەڭدىبايەۆ.
كوميسسيا جۇمىسىنىڭ قورىتىندىسى بويىنشا، بيىل جاڭاوزەن قالاسىندا 2570 ادامدى جۇمىسقا ورنالاستىرۋ جوسپارلانۋدا. ونىڭ 1434 تۇراقتى جۇمىس ورنى، ال 1136 ۋاقىتشا جۇمىسپەن قامتىلاتىن بولادى.
اتاپ ايتساق:
- قالالىق جۇمىسپەن قامتۋ ورتالىعىنان 5 سانات بويىنشا كەزەكتە تۇرعان 682 ادام مۇناي-گاز سالاسىنا جۇمىسقا ورنالاسۋدىڭ قولدانىستاعى الگوريتمى بويىنشا جۇمىسقا قابىلداناتىن بولادى. كوميسسيا جۇمىسى باستالعان ساتتەن باستاپ، 682 ادامنىڭ 150ء-ى جۇمىسقا ورنالاستى.
- «وزەنمۇنايگاز» اق سەرۆيستىك قىزمەت كورسەتۋ مەكەمەلەرىندە حالىقتىڭ الەۋمەتتىك وسال توپتارىنا جاتاتىن، حالىقتىق باقىلاۋ توبى مەن جۇمىسپەن قامتۋ جانە الەۋمەتتىك باعدارلامالار ءبولىمى جانىنداعى جۇمىس كوميسسياسىنىڭ ۇسىنىمدارىنا سايكەس قۇرىلعان 318 جۇمىس ورنىنا تاڭدالعان ازاماتتاردى جۇمىسقا ورنالاستىرۋ كوزدەلەدى. ونىڭ 300ء-ى جۇمىسقا ورنالاسۋ ۇستىندە.
كەشەندى دامۋ جوسپارى اياسىندا قالالىق، كەنتىشىلىك اۆتوموبيل جولدارىن جوندەۋ، تەڭگە اۋىلىندا دەنە شىنىقتىرۋ-ساۋىقتىرۋ كەشەنىنىڭ قۇرىلىسى، تەڭگە اۋىلىنا دەيىن سۋ قۇبىرىن تارتۋ سىندى جۇمىستارعا جۇمىسسىز جۇرگەندەر تارتىلاتىن بولادى.
سونداي-اق، جالاقىسى 150 مىڭ تەڭگەدەن باستالاتىن 155 جۇمىسسىز ازاماتتى جۇمىسقا ورنالاستىرۋ جوسپارلانۋدا. «جۇمىس جاسايتىن» جوباسى اياسىندا 400 جۇمىس ورنىن قۇرۋ جوسپارلانۋدا.
بۇدان باسقا جەكە كاسىپكەرلەر ەسەبىنەن 390 جۇمىس ورنى قۇرىلادى. بۇل بوس جۇمىس ورىندارىنىڭ جالاقىسى 150 مىڭ تەڭگەدەن باستالادى.
قالا تۇرعىندارى ءۇشىن جاڭا جۇمىس ورىندارىن قۇرۋ بويىنشا شارالار كەزەڭ-كەزەڭمەن ىسكە اسىرىلاتىن بولادى.
