ماڭعىستاۋ وبلىسىنداعى "بۇرعىلاۋ" مۇناي سەرۆيستٸك كومپانيياسىنىڭ جۇمىسشىلارى ەرەۋٸلٸن توقتاتىپ, 6 قازان كٷنٸ جۇمىسقا شىقتى. ٶتكەن اپتادان بەرٸ ەرەۋٸلدەتكەن جاڭاٶزەندٸك مۇنايشىلار جالاقىنى كٶتەرۋٸن جەنە كەسٸپوداقتى قۋدالاۋدى دوعارۋىن تالاپ ەتٸپ كەلدٸ.
وبلىس ەكٸمٸ اليك ايدارباەۆتىڭ ايتۋىنشا, سەرسەنبٸ كٷنٸ جۇمىسشىلار بەلسەندٸلەرٸنٸڭ "ٶزمەنمۇنايگاز" بەن "بۇرعىلاۋ" كەسٸپورىنى باسشىلارىمەن كەزدەسۋٸنٸڭ نەتيجەسٸندە قوسىمشا كەلٸسٸم-شارت جاسالىپ, سەرۆيستٸك كومپانييا جىل اياعىنا دەيٸن التى ميلليارد تەڭگەگە (18 ملن دوللار) تاعى 34 بۇرعى الاتىن بولدى.
"بۇل قاراجات جىل اياعىنا دەيٸن جەتەدٸ. جۇمىسشىلار تالاپ ەتكەن بٸرىڭعاي تٶلەم جٷيەسٸ "قازمۇنايگاز" كومپانيياسىنىڭ ٸشكٸ قۇجاتى سانالادى. جۇمىس كٶلەمٸنە قاراي تاريفتەر دە كٶتەرٸلەدٸ. بۇدان سوڭ "بۇرعىلاۋ" ٶزٸنٸڭ تٶلەم جٷيەسٸن قايتا ەسەپتەي الادى", - دەدٸ ەكٸم.
بۇعان قوسا, ايدارباەۆ جۇمىسشىلار تاڭداعان كەسٸپوداق جۇمىسقا كٸرٸسەتٸنٸن ايتتى. ەكٸمنٸڭ ايتۋىنشا, كەسٸپوداق تٶراعاسى سەدۋاقاس بەكقاليەۆكە قاتىستى سوت بەلگٸلەگەن شارتتى جازانى جۇمىس بەرۋشٸ بەيبٸت كەلٸسٸم اياسىندا رەتتەيتٸن بولدى.
30 قىركٷيەكتە "بۇرعىلاۋ" كومپانيياسىنىڭ جٷزدەگەن جۇمىسشىسى جۇمىسقا شىقپاي قويدى. ولار بٸرىڭعاي ەڭبەك جٷيەسٸن ەنگٸزۋ ارقىلى جالاقىنى كٶتەرۋٸن, بۇعان قوسا 2014-2016 جىلدار ارالىعىندا اتقارىلعان قوسىمشا جۇمىس اقىسىن تٶلەپ بەرۋٸن, كەسٸپوداق تٶراعاسىن قۋدالاۋدى دوعارۋىن تالاپ ەتتٸ.
