دەپۋتات ەدىل جاڭبىرشين ءماجىلىستىڭ جالپى وتىرىسىندا، كەشە استانادا بولعان مۇنايشىلاردىڭ ارەكەتىنە قاتىستى ۇكىمەت باسشىسىنا ساۋال جولدادى.

جاڭبىرشين سوڭعى كەزدەرى باتىس وڭىرىندە جۇمىسشىلار اراسىندا ەرەۋىلدەر ءجيى ورىن الىپ جاتقانىن العا تارتىپ، جاۋاپتى ادامداردان وسىنى وڭتايلى شەشۋىن سۇرادى.

«كۇنى كەشە ماڭعىستاۋلىقتار وڭىردە ماسەلەسى شەشىلمەگەن سوڭ استاناعا كەلدى. وتكەن ءماجىلىستىڭ جەتىنشى شاقىرىلىمىندا، ماڭعىستاۋداعى جۇمىسسىزدىققا، ەڭبەك داۋلارىنا قاتىستى ءبىرقاتار ماسەلەلەر كوتەرگەنبىز. ءبىراق ۇكىمەت، سامۇرىق قازىنا، قازمۇنايگاز جانە جەرگىلىكتى اتقارۋشى بيلىك تاراپىنان جۇيەلى جۇمىستار جاسالىنبادى، ءتيىستى ناتيجە بولمادى.

ال ماڭعىستاۋدا جارىلايىن دەپ تۇرعان جارا كوپ.

ۇكىمەت كوميسسياسىن قۇرۋ جونىندە دە حات جولدادىق، وعان ءالى جاۋاپ بەرمەدىڭىز. قاشانعى كوزدى جۇمىپ، قۇلاقتى بىتەپ، اۋىزدى بۋىپ وتىرا بەرەسىزدەر. ماسەلەنى شەشەتىن ۋاقىت ءوتىپ بارا جاتىر. ەرتەڭ قولىمىزدى مەزگىلىنەن كەش سەرمەدى دەپ جۇرمەڭىزدەر»، - دەدى دەپۋتات.

جاڭاوزەنگە قاتىستى مالىمەتتى وسى ارادان باقىلاپ وتىرىڭىز: 

https://t.me/dalainside/1251