جاڭادان قۇرىلعان ساۋران اۋدانىندا الداعى جىلى قۇرىلىس قارقىنى ارتپاق
تٷركٸستان وبلىسى ساۋران اۋدانىنداعى 12 اۋىلدىق وكرۋگتە جالپى سانى 35 ەلدٸ مەكەن بار. قۇرىلعانىنا جارتى جىلدان اسقان جاڭا اۋداندا كەلەر جىلى قۇرىلىس قارقىنى ٷدەي تٷسپەك. قۇرىلىس جۇمىستارىمەن قاتار ينفراقۇرىلىم سالاسىنا كٶڭٸل بٶلٸنٸپ, تابيعي گازبەن قامتۋ جۇمىستارى جالعاسادى. بۇل تۋرالى بريفينگتە اۋدان ەكٸمٸ عاني رىسبەكوۆ مەلٸمدەدٸ, – دەپ حابارلايدى Dalanews.kz تٷركٸستان وبلىسىنىڭ ٶڭٸرلٸك كوممۋنيكاتسييالار قىزمەتٸنە سٸلتەمە جاساپ.
2022 جىلى 32 ەلدٸ مەكەنگە بالالار الاڭى, فۋتبول الاڭى, تەنيس كورتى جەنە ۆوركاۋت ورناتۋ جوسپارلانۋدا. ال, اۋىلدىق وكرۋگتەردەگٸ باستى كٶشەلەرگە جارىقشامدار ورناتىلاتىن بولادى.
– اۋدان قۇرىلعالى شالعاي اۋىلداردى دا ارالاپ, شەشٸمٸن تاپپاي تۇرعان ٶزەكتٸ مەسەلەلەر تٸزبەسٸن جاساقتادىق. تۇرعىنداردىڭ مەسەلەلەرٸ بويىنشا ٸس-شارا جوسپارى بەكٸتٸلٸپ, تيٸستٸ جۇمىستار جٷرگٸزٸلۋدە. اۋدان ورتالىعى شورناق ەلدٸ مەكەنٸنەن 38 گا جەر بٶلٸنٸپ, ەكٸمشٸلٸك-ٸسكەرلٸك ورتالىعىنىڭ قۇرىلىسى كەلەسٸ جىلى جٷرگٸزٸلەدٸ. وندا اۋدان ەكٸمٸ اپپاراتى عيماراتى, اۋماقتىق قازىنالىق مەكەمەسٸ, پروكۋراتۋرا, سوت, اۋداندىق مەملەكەتتٸك مەكەمەلەرٸنٸڭ عيماراتتارى جەنە مەدەنيەت ٷيٸ ورنالاسادى, – دەدٸ عاني قۇرماشۇلى.
سونداي-اق, اۋداندا بيىل 300 ورىندىققا شاقتالعان 3 مەكتەپتٸڭ قۇرىلىسى جٷرگٸزٸلٸپ, شاعا اۋىل وكرۋگٸندەگٸ مەكتەپ قىركٷيەك ايىندا پايدالانۋعا بەرٸلگەن. ەسكٸ يقان اۋىل وكرۋگٸندەگٸ بٸلٸم ۇياسى جىل سوڭىنا دەيٸن پايدالانۋعا بەرٸلەدٸ دەپ جوسپارلانسا, قوسمەزگٸل ەلدٸ مەكەنٸندەگٸ مەكتەپتٸڭ قۇرىلىسى 2022 جىلعا ٶتپەلٸ.
