پرەزيدەنت قاسىم-جومارت توقايەۆ جاڭا سالىق كودەكسى كۇشىنە ەنگەننەن بەرى العاشقى وڭ ناتيجەلەر بايقالا باستاعانىن مالىمدەدى، دەپ حابارلايدى Dalanews.kz.
ونىڭ ايتۋىنشا، ءوزىن-وزى جۇمىسپەن قامتىعان ازاماتتارعا ارنالعان جاڭا سالىق رەجيمى ەنگىزىلگەننەن كەيىن 180 مىڭنان استام ادام زاڭ اياسىندا جۇمىس ىستەي باستاعان. ۇكىمەتتىڭ باعالاۋىنشا، وسىنىڭ ەسەبىنەن بيىل مەملەكەتتىك بيۋدجەتكە قوسىمشا 4،4 تريلليون تەڭگە تۇسەدى دەپ جوسپارلانىپ وتىر.
مەملەكەت باسشىسى بۇل كورسەتكىشتەرگە شامادان تىس سالىق سالۋ نەمەسە بيزنەستى نەگىزسىز قىسپاققا الۋ ارقىلى قول جەتكىزۋگە بولمايتىنىن اتاپ ءوتتى. سونداي-اق ول سالىق جۇيەسىن تولىق سيفرلاندىرۋدى جەدەلدەتۋ قاجەت ەكەنىن جەتكىزدى.
