بەلگىلى جۋرناليست گۇلنار باجكەنوۆا اكتيۆتەردى قايتارۋ كوميتەتى قازاقستاندىق وليگارح، نۇرسۇلتان نازاربايەۆتىڭ كۇيەۋ بالاسى تيمۋر قۇلىبايەۆتىڭ ىزىنە ءتۇسىپ العانىن جەتكىزدى، دەپ حابارلايدى Dalanews.kz.

ايتۋىنشا، كوميتەت اۋلەت وكىلدەرىنىڭ ىشىندە قۇلىبايەۆقا ايرىقشا شۇيلىگىپ العان.

"اكتيۆتەردى قايتارۋ كوميتەتىنىڭ قۇلىبايەۆقا نە سەبەپتى وشىگىپ العانى تۇسىنىكتى شىعار. نازاربايەۆ اۋلەتىنە بەرىلگەن كەپىلدىكتەر تيمۋرعا تارالمايدى. ءدال ءقازىر ول وتباسىنداعى ەڭ وسال تۇلعا. بيلىك تاراپىنان وعان ەشقانداي گارانتيا بەرىلمەگەن..."، - دەيدى جۋرناليست.

باجكەنوۆانىڭ سوزىنشە، قۇلىبايەۆ وسى كۇنگە دەيىن ەشبىر ساياسي ويىندارعا ارالاسپاعان جانە قاڭتار وقيعاسى كەزىندە دە ءوزىنىڭ بەت-جۇزىن ساقتاپ قالعان، سول ءبىر الماعايىپ ۋاقىتتا ابىرويلى ءارى اقىلدى ارەكەت ەتكەن.

"تيمۋرعا ەشكىم اراشا تۇسپەيدى. ونىڭ قورعاۋشىسى جوق. پۋتين دە نەمەسە باسقا دا ىقپالدى تۇلعالار ونىڭ ءسوزىن سويلەمەيدى. جاڭا قازاقستان ءۇشىن ول وڭاي نىساناعا اينالىپ وتىر. ەسكى قازاقستاننىڭ ورنىن باسقاندار قۇلىبايەۆتىڭ اكتيۆتەرىنە قىزىعۋشىلىق تانىتۋدا. مۇنداي جاعدايدا قۇلىبايەۆاتىڭ جالعىز مۇمكىندىگى – زاڭعا جۇگىنۋ"، - دەيدى باجكەنوۆا.

سونىمەن قاتار جۋرناليست اكتيۆتەردى قايتارۋ ماسەلەسىندە سوت ىستەرىنىڭ قۇپيا تۇردە جۇرگىزىلىپ جاتقانىنا نارازىلىق ءبىلدىردى. ونىڭ پىكىرىنشە، قۇلىبايەۆقا سوت ىستەرىنىڭ اشىق وتكەنى ءتيىمدى، ال ونىڭ اكتيۆتەرىنە كوز الارتقاندار مۇنداي پروسەسستەردىڭ جابىق بولعانىن قالايدى.

"قۇپيا اكتيتەر قۇپيا قالتاعا وتەدى. بار ماسەلە وسىندا"، - دەيدى باجكەنوۆا.