Belgili jýrnalist Gúlnár Bájkenova aktivterdi qaitarý komiteti qazaqstandyq oligarh, Nursultan Nazarbaevtyń kúieý balasy Timýr Qulybaevtyń izine túsip alǵanyn jetkizdi, dep habarlaidy Dalanews.kz.
Aitýynsha, komitet áýlet ókilderiniń ishinde Qulybaevqa airyqsha shúiligip alǵan.
"Aktivterdi qaitarý komitetiniń Qulybaevqa ne sebepti óshigip alǵany túsinikti shyǵar. Nazarbaev áýletine berilgen kepildikter Timýrǵa taralmaidy. Dál qazir ol otbasyndaǵy eń osal tulǵa. Bilik tarapynan oǵan eshqandai garantiia berilmegen...", - deidi jýrnalist.
Bájkenovanyń sózinshe, Qulybaev osy kúnge deiin eshbir saiasi oiyndarǵa aralaspaǵan jáne Qańtar oqiǵasy kezinde de óziniń bet-júzin saqtap qalǵan, sol bir almaǵaiyp ýaqytta abyroily ári aqyldy áreket etken.
"Timýrǵa eshkim arasha túspeidi. Onyń qorǵaýshysy joq. Pýtin de nemese basqa da yqpaldy tulǵalar onyń sózin sóilemeidi. Jańa Qazaqstan úshin ol ońai nysanaǵa ainalyp otyr. Eski Qazaqstannyń ornyn basqandar Qulybaevtyń aktivterine qyzyǵýshylyq tanytýda. Mundai jaǵdaida Qulybaevatyń jalǵyz múmkindigi – zańǵa júginý", - deidi Bájkenova.
Sonymen qatar jýrnalist aktivterdi qaitarý máselesinde sot isteriniń qupiia túrde júrgizilip jatqanyna narazylyq bildirdi. Onyń pikirinshe, Qulybaevqa sot isteriniń ashyq ótkeni tiimdi, al onyń aktivterine kóz alartqandar mundai protsessterdiń jabyq bolǵanyn qalaidy.
"Qupiia aktiter qupiia qaltaǵa ótedi. Bar másele osynda", - deidi Bájkenova.
