ءبىرىنشى ۆيسە-پرەمەر-مينيستر قىزمەتىنە ەكس-دەپۋتات، «قىرعىزستان» فراكسياسىنىڭ بۇرىنعى باسشىسى المازبەك باتىربەكوۆ تاعايىندالدى. جاقىندا ول دەپۋتات مانداتىن تاپسىرعان.
ۇكىمەت اپپاراتىنىڭ جەتەكشىسى قىزمەتىن تاالايبەك تەميرالييەۆ اتقارادى. اقپاراتتىق تەحنولوگيا جانە بايلانىس جونىندەگى مەملەكەتتىك كوميتەت ءتوراعاسى قىزمەتىنە التىنبەك يسمايلوۆ تاعايىندالدى. ول بۇرىن جوعارى تەحنولوگيالار پاركىنىڭ ديرەكتورى بولعان. ۇكىمەت قۇرامىندا باسقا وزگەرىس جوق.
15 ماۋسىمدا كەشكە مۇحاممەدقالي ابىلگازييەۆ پرەمەر قىزمەتىنەن كەتتى. بۇعان راديوتولقىنداردىڭ زاڭسىز ساتىلۋىنا قاتىستى جانجال سەبەپ بولعان-دى. 16 ماۋسىمدا پرەزيدەنت ساۋرانباي جانىبەكوۆ ابىلعازييەۆتىڭ قىزمەتتەن كەتۋىن ماقۇلدادى.
