– قايتادان قۇرىلعان مينيسترلىك قۇزىرىنا ازاماتتاردىڭ ءدىني بوستاندىعىن قامتاماسىز ەتۋ، سونىڭ ىشىندە قانداي دا ءبىر اۋىتقۋلاردىڭ الدىن الۋ جانە جۇمىستى ۇيلەستىرۋ، ۇكىمەتتىك ەمەس سەكتورمەن، قوعامدىق ۇيىمدار مەن جاستار ساياساتىن جۇرگىزۋ كىرەدى، – دەدى مينيستر ۇكىمەت وتىرىسىنان كەيىن تىلشىلەرگە بەرگەن سۇxباتىندا.
"بۇگىندە وزەكتىلىگى ارتىپ وتىرعان، قوعام ءۇشىن ماڭىزى جوعارى باعىتتاردى جاقسارتۋ قاجەتتىلىگى بولاتىنى ءسوزسىز، سوندىقتان دا بولار ۇكىمەت پەن ازاماتتىق قوعامنىڭ جۇمىسىن ءتيىمدى ەتۋ ءۇشىن، ۇلت جوسپارىندا بەلگىلەنگەن ماقساتتارعا ءتيىمدى قول جەتكىزۋ ءۇشىن وسىنداي شەشىم قابىلدانعان بولار"، – دەدى ن. ەرمەكبايەۆ.
ق ر پرەزيدەنتىنىڭ جارلىعىمەن ق ر ءدىن ىستەرى جانە ازاماتتىق قوعام مينيسترلىگى قۇرىلدى. ونىڭ باسشىسى بولىپ نۇرلان ەرمەكبايەۆ تاعايىندالدى.
جاڭا مينيسترلىكتىڭ قۇزىرىنا مادەنيەت جانە سپورت مينيسترلىگى مەن ءبىلىم جانە عىلىم مينيسترلىگىنىڭ دىنگە، ۇكىمەتتىك ەمەس ۇيىمداردىڭ جۇمىسىنا قاتىستى ءبىرقاتار فۋنكسيالارى بەرىلدى.
