كونستيتۋتسييالىق سوت تٶراعاسىنىڭ ورىنباسارى باقىت نۇرمۇحانوۆ جاڭا كونستيتۋتسييا جوباسىن جەتٸلدٸرۋ بارىسى مەن جالپىحالىقتىق تالقىلاۋ نەتيجەسٸندە ەنگٸزٸلگەن نەگٸزگٸ ٶزگەرٸستەر تۋرالى ايتىپ بەردٸ, دەپ حابارلايدى Dalanews.kz
ونىڭ ايتۋىنشا, جاڭا كونستيتۋتسييا جوباسى جارييالانعان سەتتەن باستاپ ەرتٷرلٸ ارنالار ارقىلى 4 مىڭنان استام ۇسىنىس كەلٸپ تٷسكەن. باقىت نۇرمۇحانوۆ اتاپ ٶتكەندەي, كونستيتۋتسييالىق كوميسسييا بارلىق ۇسىنىستار, پٸكٸرلەر مەن ەسكەرتۋلەردٸ مۇقييات زەردەلەپ جاتىر.
«تالداۋ كٶرسەتكەندەي, ولاردىڭ بٸرقاتارى نازار اۋدارۋعا تۇرارلىق جەنە باپتاردىڭ مازمۇنىن تولىقتىرادى, كەپٸلدٸكتەردٸ كٷشەيتەدٸ, قۇقىقتىق نورمالاردىڭ تۇجىرىمداماسىن جاقسارتادى, سونداي-اق ايقىندىق پەن قۇقىقتىق ناقتىلىقتى ارتتىرادى», – دەدٸ باقىت نۇرمۇحانوۆ كونستيتۋتسييالىق كوميسسييانىڭ كەزەكتٸ وتىرىسىندا.
دەلٸرەك ايتقاندا, تەڭگەنٸ ۇلتتىق ۆاليۋتا رەتٸندە كونستيتۋتسييالىق تۇرعىدا بەكٸتۋ ۇسىنىسىن جٷزەگە اسىرۋ ٷشٸن 2-باپ جاڭا تارماقپەن تولىقتىرىلدى. قازاقستان رەسپۋبليكاسىنىڭ ۇلتتىق ۆاليۋتاسى (اقشا بٸرلٸگٸ) – تەڭگە. تەڭگەنٸ ەميسسييالاۋدىڭ ايرىقشا قۇقىعى قازاقستان رەسپۋبليكاسىنا تيەسٸلٸ. سپيكەردٸڭ ايتۋىنشا, ازاماتتاردىڭ ٶتٸنٸشتەرٸندە دە وسىنداي ۇسىنىستار بولعان.
بۇل باپتىڭ 6-تارماعى 7-تارماق بولىپ ٶزگەرتٸلٸپ, جوبا رەداكتسيياسىندا مىناداي مازمۇندا ساقتالادى: «قازاقستان رەسپۋبليكاسىنىڭ ەگەمەندٸگٸ, تەۋەلسٸزدٸگٸ, ۋنيتارلىعى, اۋماقتىق تۇتاستىعى مەن باسقارۋ ٷلگٸسٸ ٶزگەرمەيدٸ».
«6-باپتا مەملەكەتتٸك ورگاندا ساياسي پارتييا ۇيىمىن قۇرۋعا جول بەرٸلمەيتٸنٸ تۋرالى نورمانى 1-تارماقتان 2-تارماققا ٶزگەرٸسسٸز اۋىستىرۋ ۇسىنىلىپ وتىر. بۇل نورما اتالعان باپتىڭ 2-تارماعىنىڭ ەرەجەلەرٸن لوگيكالىق تۇرعىدان تولىقتىرادى, وندا مەملەكەتتٸڭ قوعامدىق بٸرلەستٸك ٸسٸنە, ال قوعامدىق بٸرلەستٸكتٸڭ مەملەكەت ٸسٸنە زاڭسىز ارالاسۋىنا جەنە قوعامدىق بٸرلەستٸككە مەملەكەتتٸك ورگان فۋنكتسييالارىن جٷكتەۋگە جول بەرٸلمەيتٸنٸ جازىلعان», - دەپ حابارلادى باقىت نۇرمۇحانوۆ.
كونستيتۋتسييا جوباسىنىڭ ازاماتتىق مەسەلەلەرٸنە ارنالعان 12-بابى دا ناقتىلاۋدى قاجەت ەتەدٸ دەگەن ۇسىنىستار ايتىلۋدا. اتاپ ايتقاندا, 3-تارماققا قازاقستان رەسپۋبليكاسىنىڭ ازاماتى قوس ازاماتتىققا نەمەسە كٶپ ازاماتتىققا يە بولا المايتىنى, ال ٶزگە ازاماتتىقتىڭ بولۋى زاڭدا كٶرسەتٸلگەن تەرتٸپ پەن شارتتارعا سەيكەس, قازاقستان رەسپۋبليكاسىنىڭ ازاماتتىعىن توقتاتۋعا نەگٸز بولاتىنى تۋرالى نورما ەنگٸزٸلەدٸ.
ەنگٸزٸلگەن ۇسىنىستار ٸشٸندە كونستيتۋتسييادا ەربٸر ادامنىڭ مەملەكەتتٸك بيلٸك ورگاندارى مەن ولاردىڭ قىزمەتشٸلەرٸنٸڭ زاڭسىز ەرەكەتتەرٸ سالدارىنان كەلگەن زالالدىڭ ٶتەمٸن الۋعا قۇقىعىن بەكٸتۋ دە ەرەكشە قىزىعۋشىلىق تۋدىرعان.
«قىلمىستىق-پروتسەستٸك كودەكستە قىلمىستىق پروتسەستٸ جٷرگٸزەتٸن ورگاننىڭ زاڭسىز ەرەكەتتەرٸنەن كەلتٸرٸلگەن زالالدى ٶتەۋ تەرتٸبٸن رەتتەيتٸن 4-تاراۋ قاراستىرىلعان. ونداعى ەرەجەلەرگە سەيكەس, زاڭسىز ۇستاۋ, قاماۋدا ۇستاۋ, ٷيقاماققا الۋ, قىزمەتٸنەن ۋاقىتشا شەتتەتۋ, ارناۋلى مەديتسينالىق ۇيىمعا ورنالاستىرۋ, سوتتاۋ, مەديتسينالىق سيپاتتاعى مەجبٷرلەۋ شارالارىن قولدانۋ سالدارىنان كەلتٸرٸلگەن زالال قىلمىستىق پروتسەستٸ جٷرگٸزەتٸن ورگاننىڭ كٸنەسٸنە قاراماستان تولىق كٶلەمدە بيۋدجەت قاراجاتى ەسەبٸنەن ٶتەلەدٸ», – دەپ اتاپ ٶتتٸ سپيكەر.
سونىمەن بٸرگە, ول كونستيتۋتسييا جوباسىنىڭ 18-بابى ناقتىلانعانىن ايتتى. جاڭا رەداكتسيياعا سەيكەس, سوت شەشٸمٸنسٸز ادامدى زاڭدا كٶزدەلگەن مەرزٸمدەردەن ارتىق ۇستاۋعا بولمايدى. سٶز سوڭىندا باقىت نۇرمۇحانوۆ جاڭا كونستيتۋتسييا جوباسىن جەتٸلدٸرۋ جۇمىستارى جالعاسىپ جاتقانىن جەتكٸزدٸ.
