قازاقستاندا جاڭا كونستيتۋسيا جوباسىنا قوعامدىق قولداۋ جوعارى دەڭگەيدە قالىپتاسقان، دەپ حابارلايدى Dala News.

بۇل تۋرالى ق ر پرەزيدەنتى جانىنداعى قازاقستان ستراتەگيالىق زەرتتەۋلەر ينستيتۋتىنىڭ ساراپشىسى ءامينا ۇرپەكوۆا مالىمدەدى. ونىڭ ايتۋىنشا، الەۋمەتتىك زەرتتەۋلەر ناتيجەسى بويىنشا رەفورمانى قولداۋ دەڭگەيى شامامەن 90% بولعان.

ساراپشىنىڭ سوزىنشە، باستاپقىدا قوعام ينستيتۋسيونالدىق وزگەرىستەرگە – ءبىر پالاتالى پارلامەنت، ۆيسە-پرەزيدەنت قىزمەتى جانە حالىق كەڭەسىن قۇرۋ سياقتى جاڭاشىلدىقتارعا نازار اۋدارعان.

الايدا رەفەرەندۋم جاقىنداعان سايىن ازاماتتاردىڭ قىزىعۋشىلىعى الەۋمەتتىك ماسەلەلەرگە ويىسقان. اتاپ ايتقاندا، حالىقتىڭ نازارى:
– الەۋمەتتىك كەپىلدىكتەرگە،
– ءبىلىم مەن عىلىمعا،
– قورشاعان ورتانى قورعاۋعا،
– سيفرلىق قاۋىپسىزدىككە باعىتتالعان نورمالارعا اۋعان.

«ازاماتتار كۇندەلىكتى ومىرىنە تىكەلەي اسەر ەتەتىن وزگەرىستەرگە كوبىرەك ءمان بەرەدى»، – دەدى ساراپشى.

سونىمەن قاتار ساۋالنامالارعا سايكەس، تۇرعىنداردىڭ باسىم بولىگى رەفورمالار ءوز ومىرىنە وڭ اسەر ەتەدى دەپ كۇتەدى. ال رەفەرەندۋمعا قاتىسۋعا دايىندىق دەڭگەيى 71–75% شاماسىندا بولعان.

ساراپشىلاردىڭ پىكىرىنشە، قوعامدىق تالقىلاۋ مەن ءتۇسىندىرۋ جۇمىستارى حالىقتىڭ بەلسەندىلىگىن ارتتىرىپ، كونستيتۋسيا جوباسىنا جوعارى قولداۋ قالىپتاستىرۋعا ىقپال ەتكەن.