"زاماناۋي جىراۋ" بولىپ اتى شىققان بەلگىلى رەپەر جان احمادييەۆ بۇگىن الەۋمەتتىك جەلىدە تاراپ كەتكەن داۋلى ۆيدەوعا قاتىستى تۇسىنىك بەردى.

بۇل تۋرالى تengrinews.kz حابارلايدى.

ايتا كەتەيىك، بۇگىن الەۋمەتتىك جەلىلەردە جان احمادييەۆ پەن "باقاي" توبىنىڭ مۇشەلەرى تۇسىرىلگەن ۆيدەو پايدا بولعان ەدى. روليكتە كادر سىرتىنداعى ەر ادام كولىككە جاقىنداپ، سالونداعىلاردان جەرگە قوقىس تاستاماۋدى سۇرايدى. كەيىن كولىك ىشىندە انشىلەردىڭ وتىرعانى بەلگىلى بولادى. روليك الەۋمەتتىك جەلى قولدانۋشىلارىنىڭ اراسىندا پىكىرتالاس تۋدىردى. سەبەبى وقيعا كەزىندە بىلاپىت سوزدەر ايتىلادى. بىرەۋلەرى انشىدەن كوڭىلى قالعانىن ايتسا، بىرەۋلەر روليكتىڭ مونتاجدالعانىن جانە ساپالى تۇسىرىلگەنىن توپشىلاپ وتىر. قازىرگى ۋاقىتتا ۆيدەونى 4 مىڭنان اسا ادام كورگەن.

https://www.youtube.com/watch؟v=QvyH7bieras

وسى ورايدا، تىلشىمىزگە بەرگەن سۇحباتىندا جان احمادييەۆ ۆيدەونىڭ ەكى اپتا بۇرىن الماتى قالاسىنىڭ كوشەلەرىنىڭ بىرىندە تۇسىرىلگەنىن ايتتى. ءانشىنىڭ ايتۋىنشا، حالىق دۇرىس تۇسىنبەي قالعان. "نەگىزىندە بۇل ۆيدەو ءالى وڭدەلمەگەن، سوندىقتان جەلىگە شىقپاۋى ءتيىس ەدى. بىرەۋلەر ونى قولدى قىلىپ، عالامتورعا رۇقساتسىز جۇكتەگەن. سول سەبەپتى ءقازىر مەن بارماق تىستەپ قالىپ وتىرمىن. شىن مانىندە بۇل "قازاقپىز عوي-6" جاڭا تۋىندىنىڭ تيزەرى بولۋى كەرەك ەدى. ۆيدەو باستالعان كەزدە ونىڭ تيزەرى ەكەنى شىعۋى ءتيىس بولعان. ءوزىمنىڭ جانە "باقاي" توبىنىڭ جىگىتتەرىنىڭ ءتۇسۋى دە سول سەبەپتى"، - دەيدى سۇحباتتاسۋشى.

"قازاقپىز عوي 6" جوباسىنىڭ نەگىزگى ماقساتى قوعامدا وسىنداي جىگىتتەردىڭ بار ەكەنىن، ياعني ناعىز باتىرلار (وليمپيادا جەڭىمپازدارى) مەن جالعان باتىرلار تۋرالى تۇسىرمەكپىز. سىرا ءىشىپ، شەمىشكە شاققانشا، سپورتپەن اينالىسسا دەگەن ويدامىز. "باقاي" توبىمەن بىرگە ءتۇسىرىپ جاتقان بەينەبايانىمىزدا جىگىتتەردىڭ قازىرگى كەيپىن كورسەتسەك دەيمىز. جاڭا كليپتىڭ بۇرىنعىلاردان وزگەشەلىگى - بۇرىندارى قازاقتى سوگۋ، كەمشىلىگىن ايتۋمەن بولسا، بۇل جولى قازاقتىڭ ناعىز باتىرلارىن ياعني ماقتان تۇتار ازاماتتارىمىزدى شىعارساق دەيمىز. بەينەبايان قىركۇيەك ايىنىڭ سوڭىندا جارىق كورەدى، - دەدى جان احمادييەۆ.