Jan Ahmadiev jelide tarap ketken daýly videoǵa qatysty túsinik berdi
Bul týraly Tengrinews.kz habarlaidy.
Aita keteiik, búgin áleýmettik jelilerde Jan Ahmadiev pen "Baqai" tobynyń músheleri túsirilgen video paida bolǵan edi. Rolikte kadr syrtyndaǵy er adam kólikke jaqyndap, salondaǵylardan jerge qoqys tastamaýdy suraidy. Keiin kólik ishinde ánshilerdiń otyrǵany belgili bolady. Rolik áleýmettik jeli qoldanýshylarynyń arasynda pikirtalas týdyrdy. Sebebi oqiǵa kezinde bylapyt sózder aitylady. Bireýleri ánshiden kóńili qalǵanyn aitsa, bireýler roliktiń montajdalǵanyn jáne sapaly túsirilgenin topshylap otyr. Qazirgi ýaqytta videony 4 myńnan asa adam kórgen.
https://www.youtube.com/watch?v=QvyH7bieras
Osy oraida, tilshimizge bergen suhbatynda Jan Ahmadiev videonyń eki apta buryn Almaty qalasynyń kósheleriniń birinde túsirilgenin aitty. Ánshiniń aitýynsha, halyq durys túsinbei qalǵan. "Negizinde bul video áli óńdelmegen, sondyqtan Jelige shyqpaýy tiis edi. Bireýler ony qoldy qylyp, ǵalamtorǵa ruqsatsyz júktegen. Sol sebepti qazir men barmaq tistep qalyp otyrmyn. Shyn máninde bul "Qazaqpyz ǵoi-6" jańa týyndynyń tizeri bolýy kerek edi. Video bastalǵan kezde onyń tizeri ekeni shyǵýy tiis bolǵan. Ózimniń jáne "Baqai" tobynyń jigitteriniń túsýi de sol sebepti", - deidi suhbattasýshy.
"Qazaqpyz ǵoi 6" jobasynyń negizgi maqsaty qoǵamda osyndai jigitterdiń bar ekenin, iaǵni naǵyz batyrlar (Olimpiada jeńimpazdary) men jalǵan batyrlar týraly túsirmekpiz. Syra iship, shemishke shaqqansha, sportpen ainalyssa degen oidamyz. "Baqai" tobymen birge túsirip jatqan beinebaianymyzda jigitterdiń qazirgi keipin kórsetsek deimiz. Jańa kliptiń burynǵylardan ózgesheligi - buryndary qazaqty sógý, kemshiligin aitýmen bolsa, bul joly qazaqtyń naǵyz batyrlaryn iaǵni maqtan tutar azamattarymyzdy shyǵarsaq deimiz. Beinebaian qyrkúiek aiynyń sońynda jaryq kóredi, - dedi Jan Ahmadiev.
